Ana yurttin yiraq qirlarda ghemkin yashawatqan barche wtendashlargha illiq salam !!!

[Aziz Isa Elkun]

Ana yurttin yiraq qirlarda ghemkin yashawatqan barche wtendashlargha illiq salam !!!

                                   Ana-Yurt

Essalamu Eleykum eziz yurtdashlar yaxshimusiler ?

Ana yurttikiler oylaymizki- hemminglarning rohi keypiyati jushqun, ish-herkitinglar ünümlük, turmushinglar köngüllük, dem élishinglar xatirjem, aile muhitinglar parawan, Rohi dunyaliringlar alemche kengri we parlaq ütewatqandu ....... ?

Ana yurtimizda emdila bashlanghan bahar aylirining illiq shamalliri, kainat-qanuniyitining esli tertipliri buyiche etirap alemge illiq nur chéchip, özining hararet énirgiyisini barche janliq we jansiz jisimlargha ötküzgechke, yurtimizning del-derex , baghu-bostanlardiki türli miwilik we miwisiz derexliride reng'gareng chichekler asta-asta peyda bolmaqta .

Biz ene shu xushpuraq chicheklerdin rohi uzuq we meniwi huzur élip, kelechek yazgha bolghan büyük arzu-ümütlirimiz bilen telmürüp qarimaqtimiz !

Silerchu ? siler yashawatqan shu erkin dunyalarda bundaq xushpuraq hawa tépilamdu ?

Belki beziler bu sualimgha qarita, undaq pakiz-ikilogiyelik sap hawalarni bizdin sorang- diyishi mumkin .

Toghra_ undaq pakiz, ikilogiyesi buzulmighan sap hawalar siler yashighan yurtlarda tépilidu . chünki siler yashawatqan jughrapiyelerde urunsiz hawa bulghaydighan qara-boranlar az chiqiu. baghwenlerning baghlirini bihude dessep-yenjiydighan yirtqush haywanlar yoq. déngizdiki bezi yirtqush haywanlarning qismen qanxorluqlirini hisapqa almighanda, déngiz süyige kir-yundisini tökidighan paskina mexluqlar esla yoq . u yurtlarning yerlik kishilermu,  déngiz sulirini bulghaydighan herqandaq weziyetlerge ezeldin yol bermigen . shunga siler yashawatqan jughrapiyelerning hawasi pakiz we sap bulishi tebi .

Biraq yeqindin buyan , esli meniwi hawaning qedir-qimmitini bilmigen bezi sünni yurtdashlar, özlirini shundaq bezliship öz-üzige mundaq temennalar quyishidiken.

Beziler, biz dunyaning siyasi we iqtisadini öz changgilida saqlawatqan aq saray jaylashqan washinggotonda yashawatimiz . buyer bolsa dunyaning siyasi, iqtisadi , medeni we türli alahidiklirini kontrol qilish kuchigha ige, shunglashqa biz barche yurttikilerdin yuqiri orunda turuimiz. millitimiz ichidiki eng yuqiri ünwanlargha érishken uyghur alimlirimu mushu yurtta biz shular bilen biryerde yashaymiz dep körenglishidiken .

Beziliri, biz shimali atlantik ehdi teshkilatining merkizini öz ichige alghan, we dunyadiki eng puldar tamashibinlarning merkizi Holliwod jaylashqan eng bay sheher, torinto tupriqida   yashaymiz, shunga biz hemmidin bay-puldar we hemmidin xatirjem diyishidiken .

Beziliri, biz sabiq kirallar merkizi bolghan Londunda yashaymiz, duyadiki barche siyasi shaxmetler bu yerde oynilidu, gherip we sheriqning türli yol xeritisi bu yerde sizilidu, shunga biz hemmidin eqilliq we hemmidin küchlük bolghan jughrapiyelik orunda yashaymiz dep men-menlik qilishidiken .

Beziler, biz yawrupadiki meshhur sayahet orunliridin biri bolghan parizjda we dunyagha meshhur éifil munarisi orunlashqan güzel sheherde yashaymiz dep meghrurlinishidiken .

Beziler, biz dunyada ötken eng meshhur nochilardin biri Gétlirning yurti Berlinda yashaymiz, shundaqla kapitalizim bilen sotsializimnining ottursidiki betondin yasalghan tam-tusaqni ebedi kelmeske yiqitqan Gérmaniye tupriqida yashighanliqimizdin pexirlinimiz diyishidiken.

Beziler, biz wetinimizning qedimi-qimmetlik yadikarliqliri (oghruliqche eklip) yer-asti moziyxanilirida saqliniwatqan ( yawrupaliqlar arisidiki ataghliq qural sodigiri) shiwitlarning yurti stockholmda yashawatimiz dep öz-üzidin iptixarlinishidiken.

Beziler, biz qedimi impiraturlarning makani bolghan rim shehride yashawatimiz dep ghurur his qilishidiken .

Beziler, biz dunyadiki mesh'hur zalim pirewin piramidasi jaylashqan we eng mesh'hur peyghemberlerdin biri bolghan yüsüp eleyhissalam yashighan karamet sheherde yashawatimiz we bu orunda bilim éliwatimiz, shunga biz hemmidin dana we mutepekkur dep öz-üzige temenna quyishidiken .

Beziler , biz tariqtiki eng mesh'hur we eng uzun seltenet sürgen islam xilapitining merkizi bolghan istambul shehride yashawatimiz, shunga biz barche wetendashlardin diyanetlik we weten-millet söygimiz hemmidin küchlük dep öz-üzidin büyük ghurur his qilishidiken.

Beziler, biz uyghur xandanliqining qedimi astanisi bolghan pishpek (Bishkek) shehride yashawatimiz, wetenge bolghan söygü mubattimiz cheksiz dep ghemkin ah... tartiship yashaydiken .

Beziler, biz qedimi xanliqlirimizning biz parchisi bolghan méhri illiq sheher Tashkentte yashaymiz, bu yurtttikiler biz bilen ezeldin bir ten we bir qan, shunga biz bügün milli kimlikimizni we uyghur tilimizni yuqatqan bilen, etila öz halitimizge kileleymiz dep hesretlik tiniship yashaydiken .

Beziler, biz qedimi yipek yulining tügini bolgha tarixi sheherlirimizdin biri, berketlik makan Alma-Ata shehride yashawatimiz. bu ziminda yashighan herbir uyghur ana yurtini hichbir zaman untmaydu, chünki bu yurt ezeldinla uyghurlarning makani bulup, qedimdinla uyghurlarning soda-alaqe ishlirining merkizi bolghachqa her daim beriketlik we yéqimliq. Hemde eyni waqitta ana yurtliridin sürgünde qilinghan yüzligen-minglighan uyghur ejdatlarning we meshhur batur-palwan, er-ayallarning mubarek jesetliri depne qilinghan bolghachqa her waqit tewerük bulup, shularning iz basarliri bolmish yash uyghur ewlatlirining ebedi qedirleydighan illiq diyarigha aylandi.
Ene shu orunlardin alma arasan, chim bulaq, éyiq chuqisi (médiwi) qatarliq mesh'hur sayahet menzirliri we shu tagh üstidin üzülmey éqip turidighan süzük suliri bilen, xuddi ulargha ili deryasi, künes taghliri, nilqa yaylaqliri, altay-chöchek yaylaqliri, bughda taghliri, tarim deryasi , toshqan deryasi qatarliq tengdashsiz güzel makan ana-yurt "Sherqi Türkistan"ni eslitip turghanliqtin, ular ene shu alahidikliridin chong iptixarlanghan we süyüngen halda , biz hichbir zaman yurtimizni estin chiqarmaymiz we yurtimiz üchün barliqimiz tesedduq diyiship özliridin chungqur ghrur tuyishidiken.

Uningdin bashqa yene dunyaning birqanche sheherliride yashawatqan uyghurlarmu shu ziminning türli alahidiklirini tilgha éliship, herxil tuyghular ichide öz-üzidin pexirlinishidiken.

Biz ana yurtta yashawatqanlar, shu yiraq yurtlarda yashawatqanlarning her-birige öz yulida hörmet we izzet büldürüsh bilen birge shuni eslitip ötmekchimiz !!!


Biz dewrimizdiki rehimsiz tebietning qara-boranlirining bizlerge qilghan zorawanliqliri tesiride, silerdek pakiz we sap hawadin behrimen bulalmighanliqimiz éniq. biraq _ siler bizdek eng shipaliq we eng qimmetlik, insan purighansiri uningdin ana sütining hid-puraqliri kilip turidighan illiq ana-yurt hawani hich qachan puriyalmaysiler we izdepmu tapalmaysiler .

Biz Ana-yurttikilerning yashawatqan diyarlirimiz shundaq makanki_ uningda ulugh tilshunas ejdadimiz Mehmud Qeshqiri, Mesh'hur peylasup, metepekkur, qanunsunas Yüsüp xas Hajip, Mesh'hur dini yolbashchimiz we büyük dewlet erbabimiz, Sultan-sutuq bughraxanlar yashap ötken zimin .

Biz shundaq bir diyarda yashawatimizki_ U, qedimi yipek yulining merkizi we qedimi medeniyet büshigi bolghan illiq makan Qeshqer, Xoten, Yeken, Yéngisar, Atush, Aqsu, Kuchar, Korla, Turpan, Qumul, Ürümchi, ili, Altay qatarliq baghri illiq ana-yurtlirimiz bolghachqa, ularning illiq baghrida uchrighan herqandaq zulum-külpetler biz üchün xuddi birer qetimliq yer tewresh hadisisidekla tuyulidu .

Biz shundaq bir muqeddes ziminda yashawatimizki_ Uning baghrida ussuzluq azawigha yuluqqinimizda, yüzimizni sipap ötken ana-yurtimizning illiq tang shamalliri bizge meniwi uzuq béghishlap, ixtiyarsiz tükülgen köz yashlirimiz xuddi zem-zem suyige aylinidu.

Biz shundaq bir muqeddes ziminda yashawatimizki_ Uning baghrida achliq azawigha yuluqqinimizda, uning bighubar-pak tupraqliri bizge xuddi tonurda pishqan shirmen nanning yerge tükülgen uwaqlirigha aylinidu .

Ene shundaq sharaitlargha berdashliq birip yashap kelgen bolsaqmu, yenila shepqetsiz ikilogiyening buzuq hawaliri, yurtimizdiki yuzligen-minglighan yash ghunchilirimizni rehimsizlarche tunjuqturup, özlirining qara öngkürlirige sörep ekirip, bezilirini muddetlik , bezilirini muddetsiz saqaymas késelge muptala qilishmaqta .

Bularni shu qara öngkürdin qutuldurup dawalash üchün, ulargha kitidighan maddi uzuqlirimiz yenila kemchil bolmaqta .

Beshming somgha saqiyidighanlarning sani nechche-on minglarche, onming somgha saqiyidighanlarning sani minglarche, ottuz ming'gha saqiyidighanlarning sani nechche yüzlerche, ellik ming'gha saqiyidighanlarning sani yüzlerche, yüzming'gha saqiyidighanlarning sani nechche onlarche, ikki yüzming'gha saqiyidighanlarning sanimu  onlarche bolmaqta.

Biraq bunchiwla maddi imkani bolmighan yüzligen ata-anilar shu yash ghunchilirini yillap körelmey, yürek azawida u dunyagha seper qilishmaqta .

Anglisaq yiraq-yaqa yurtlarda yashawatqan yurtdashlar , özliri yashawatqan her yurtqa birdin uyghur öyliri bina qilishmaqchi iken, shu öydin uyghurlarning awazini dunyagha anglitarmish .

Ulargha bizning biridighan semimi meslihetimiz shuki_ siler, dunyaning herqaysi ölkirilide ilgir-kéyin bulup ikki milyundin artuq yurtdashlar yashaydikensiler. shu ikki milyun uyghurdin birmilyunni hisaptin chiqirwitip, qalghan bir milyun uyghrdin beshyüz mingni aile qiyinchiliqi we öz turmush bilen aware uyghurlar dep hisaplap, qalghan beshyüzmingdin yene üchyüzmingni uqughuchilar we kichik balilar qatarigha chiqirwitip , qalghan ikki yüzming uyghurdin ayda ellik sent US dollirini mexsus ana-yurttiki mezlum, bichare wetendashliringlargha yardemge kirgüzsenglar, biz u pullarni mezkur qara öngkürlerdiki bimarlarnin g saqiyishigha, yitim qalghan sebilerning uqushigha, tul qalghan bicharelerning turmushigha, igisiz qalghan yitim qizlarning tuyigha, yademsiz qalghan bichare yigitlerning öylinishige, yurtliridin ayrilghan musapir-sersanlarning makanlishishigha, piyadilerning ulaghliq bulishigha, dihqanlarning türli qiyinchiliqlirigha, hünerwenlerning tereqqi qilishigha, chawuchilarning yung-tire mehsulatlirini köpeytishige, tümürchilerning palta-pichaq, oghaq-ketmen, ara-neyze yasashlirigha yardem qilsaq , bu shekildiki yardemning emili netijiside özlirining chungqur minnet darliqlirini büdürüshni xalaydighan aq köngül yurtdashlirimizning pidakarliqi bilen , her terepke toy chaqiriqliri tarqitilsa, shu toyda yangrighan neghme sadalirigha tengkesh qilip, silerdek yaqa yurtlarda milli muqamni séghinghanlarmu birlikte usul oynap sada yangratsa, buning ünimi siler anglatmaqchi bolghan héliqi mezkur öydin tarqilidighan uyghur sadasidin nechche hesse yuqiri hem ünümlükrek bukishi mumkin.

Buning emili netijisini, siler bundin ikki yil burun öz közünglar bile kördünglar .

Shuni bilishinglar kérekki_ duttar-temburlarning awazimu hergir uning uzun tutqisidin chiqmaydu belki, uning esli orni bolghan chong mingisidin chiqidu . silerning chong mingenglarmu del, siler uzun-uzungha tarqilip yashawatqan yat ellerde bolmastin belki silerning esli ana-yurtunglar bolghan wetininglardur.

Bu wetendiki qérindashliringlardin chiqqan her-bir qétimliq sadasi, silerning nechche yillap toxtimay waqirghan awazinglarningkidin bekrek janliq we tesirlik bulishi mumkin .

Eger uyghur awazini chin-yürigidin dunyagha anglitishni oylaydighan her-bir wetendishimizgha deydighinimiz shuki_ silerning awaz tumuringlar weten, silerning awaz dolquninglar weten, silerning awaz üskinenglarning esli makani weten ichidiki mezlim-bichare wetendashliringlardin ibaret.

Weten ichidiki wetendashliringlar toy qilsa , siler shu toygha öz layiqida dap chalalisanglar ene shu siler üchün kupaye !!!.

Axirda, ana yurtini unutmighan we ebedi unutmaydighan eziz yurtdashlargha ana-yurttin yalqunluq salam !!!.

                                                 2011-05-19


Menbe: http://www.wetinim.org/forum/viewthread.php?tid=11410