Diyarim we selkin qatarliq uyghur tor betlirining qurghuchiliri 'qara türmiler'de tutup turulmaqta

[Tarim050709]

Diyarim we selkin qatarliq uyghur tor betlirining qurghuchiliri 'qara türmiler'de tutup turulmaqta

Muxbirimiz mihriban
2009-12-10

(Erkin Asiya Radiosi xewri)

Bu xewerni radiodin biwaste anglash:

http://www.rfa.org/uyghur/xewerler/tepsili_xewer/uyghur-diyarida-qara-turme-12102009210703.html/u1210-pmmihray.mp3/inline.html?encoding=latin


5 - Iyul ürümchi namayishidin kéyin, uyghur aptonom rayonining reisi nurbekri, "uyghur biz, diyarim, qatarliq uyghur tor betliri, '5 - Iyul namayishi' ning kélip chiqishida qutratquluq qildi" dep, uyghur tor betlirige hujum qilghandin kéyin, uyghur tilidiki 100 din artuq tor béketliri buyruq bilen taqilish bilen bille, bu tor betlerning qurghuchiliri we bashqurghuchiliri ehwal igilesh bahaniside tutup kétilgen idi.

 

Resimni dilmurat perhat ependi peminligen.

Süret, diyarim torining qurghuchisi dilshat perhat ependining 2005 - Yili www.youku.com Ni ziyaret qilghandiki süriti.


Xelqara insan heqliri teshkilatliri hem gherb démokratik döletlirining bésimi bilen "uyghur biz" tor békitining qurghuchisi, musteqil tetqiqatchi ilham toxti ependi qoyup bérilgen bolsimu, emma diyarim tor békitining qurghuchisi dilshat perhat, selkin tor békitining qurghuchisi nureli éli, bashqurghuchisi muhemmet we bashqa tor bet bashqurghuchiliri hem bu tor betlirining aktip ishtirakchiliri bolup 100 din artuq uyghur yashliri téxiche qamaqxanilarda tutup turulmaqta.

Diyarim tor békitining sahibi, dilshat perhat qatarliqlar 7 - Ayning 24 - Küni tunji qétim xitay saqchiliri teripidin tutulup, 8 - Ayning 2 - Küni qoyuwétilgendin kéyin, 8 - Ayning 7 - Küni qayta tutup kétilgen we shundin buyan qoyup bérilmigen. Bezi kishilerning inkas qilishiche, ularning hazir qaysi türmide qamaqliq ikenliki téxiche éniq emes bolup, ularning uruq - Tughqanliri bilen körüshüshige ruxset qilinmighan.

Igiligen uchurlardin melum bolushiche, ular "5 - Iyul ürümchi" weqesige qutratquluq qilghan dégen jinayet bilen sotlinish xewipide turuwatqan dilshat perhatning akisi, diyarim tor békitining chetellerdiki tor bashqurghuchiliridin biri bolghan dilmurat perhat ependi bügün erkin asiya radio istansisi uyghur bölümining ziyaritini qobul qilip, diyarim qatarliq uyghur tor betlirining uyghur medeniyitini teshwiq qilishni özining asasi wezipisi qilghan bolsimu, lékin hazir xitay hökümet dairiliri teripidin töhmet qilinip, bu tor békiti hem uning bashqurghuchilirining hazir xewp ichide turuwatqanliqini bayan qildi.

Dilmurat ependi öz bayanida yene, xelqara insan heqliri teshkilatlirining uyghur tor bet qurghuchilirining nöwettiki ehwaligha jiddiy qarishi, ulargha yardem qilip, ularning xitayning adaletsiz sotida sotlinip kétishining aldini élishini murajiet qildi.

Yuqiridiki awaz ulinishidin, bu heqtiki melumatimizning tepsilatini anglaysiler.

Xewer menbesi:

http://www.rfa.org/uyghur/xewerler/tepsili_xewer/uyghur-diyarida-qara-turme-12102009210703.html/story_main?encoding=latin