Engiliyidiki uyghurlar jumhuriyet künini we qurban héytni birlikte tebriklidi

[Aziz Isa Elkun]

Engiliyidiki uyghurlar jumhuriyet künini we qurban héytni birlikte tebriklidi



Muxbirimiz erkin tarim
2010-11-17

11 - Ayning 14 - Küni engiliyidiki uyghurlar londondiki endowér paaliyet merkizige jem bolup sherqiy türkistan jumhuriyet küni we qurban héytni birlikte tebrikligen.

11 - Ayning 12 - Küni uyghurlar üchün tarixi ehmiyetke ige bir kün. Bu kün sabit damollam bashchiliqidiki rehberler 1933 - Yili qeshqerde, merhum élixan törem bashchiliqidiki rehberler 1944 - Yili ghuljida sherqiy türkistan jumhuriyitini qurup chiqqan bir kün.

Bu kün her yili dunyaning herqaysi jayliridiki uyghurlar teripidin xatirilenmekte. Yighinlarda uyghur yash ösmürlirige ikki jumhuriyetning ehmiyiti anglitilmaqta.

11 - Ayning 14 - Küni engiliye uyghur jemiyitining uyushturushi bilen engiliyining paytexti londonda sherqiy türkistan islam jumhuriyiti bilen sherqiy türkistan jumhuriyitini xatirilesh shundaqla qurban héytni tebriklesh paaliyiti birlikte ötküzülgen.



Bu yighingha londonning merkizi we etrapida olturaqlashqan uyghurlardin bolup yüzge yéqin kishi qatnashqan. Yighinda ikki jumhuriyetning tarixi we uyghur milliy kimliki heqqide eziz eysa ependi doklat bergendin bashqa london uyghur ansanbili oyun qoyghan.

Biz bu paaliyet heqqide téximu tepsiliy melumat élish üchün engiliye uyghur jemiyiti bashliqi nizamidin semet we yighinda doklat bergen eziz eysa ependiler bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.


Xewerni anglash:  

http://www.rfa.org/uyghur/xewerler/tepsili_xewer/engliyide-jumhuriyet-kuni-11172010220734.html/u1117erkin/inline.html?encoding=latin

Xewer menbesi:

http://www.rfa.org/uyghur/xewerler/tepsili_xewer/engliyide-jumhuriyet-kuni-11172010220734.html/story_main?encoding=latin