|
|
OMURLUK KECHE
Kéche iken tughulghanda men,
Tang naxshisi éytarken anam.
Upuqlargha baqsam her qétim,
"Tang atidu" deydighan dadam.
Qarangghuluq iznasimikin?
Chéchim qara, kozlirim qara.
Wujudumgha ghuwa nur chachar
Qelbimdiki saqaymas yara.
Yashaptimen qiriq ikki yil,
Tügimidi bu uzun kéche.
Qanchilighan yultuzlar aqar,
Ah, ilahim, shu tang atqiche?!
***************************************
TUN QUYASHI
Tokülmekte jan yapraqliri,
Peslim küz emes.
Boran-chapqun hem qarangghuluq,
Yolum tüz emes.
Kündüzümde ay we yultuzlar,
Tünümde quyash.
Horlük désem éghizdin kelgen
Qandur, soz emes!
***************************************
TEGMIGEN XET
Sen olgende bolalmisam qéshingda, ana
Armanimni tuzlighaysen yéshingda, ana
Sim tosaqlar arqisida qaldi alwundek
Qushtek egip yürgen chaghlar péshingda, ana
Shu chaghlarda péshingni ching tutqan bu qolum
Kok bayraqni tutti emdi, yoqalsun zulum!
Chochekliring mana bügün tünümge ayding
Meyli kéler, meyli kelmes, barmaqta yolum
***************************************
HARWIKESH NAXSHISI
Wetensiz tende jan bolmas,
Tirikler qeytide sen yoq.
Wetensiz gorde shan bolmas,
Qiyamet peytide sen yoq.
Tili qulda zuwan bolmas,
Dili qulda iman bolmas.
Imanliq bende qul bolmas,
Azadliq qestide sen yoq.
Beshingda ya sawaq turmas,
Peshingda ya pichaq turmas.
Yaman’gha baqi dunya bu,
Yuwashliq destide sen yoq.
Tilingning uchida Rahman,
Dilingning qeride Sheytan.
Yoruqluqta putun eller,
Zawalliq deshtide sen yoq.
***************************************
SENI SORAYMEN
Axshamliri chiqip talagha,
Qelbimni pak hesqa oraymen.
Meghrip taman uchqan shamalni
Hozurlinip uzaq puraymen.
Shebnem tamghan kirpikler ara
Mehrim bilen aygha qaraymen.
Asminingni kezgen shu aydin
Tupriqingni soygen shamaldin
Ey, wetinim, seni soraymen.
|
Locked
