Güentanamodiki ikki uyghur erkinlikke érishti

[Tarim050709]

Güentanamodiki ikki uyghur erkinlikke érishti

Muxbirimiz eqide
2010-03-24

Amérika hökümiti we herbiy dairiliri, guentanamo türmiside tutup turuluwatqan uyghurlarning ten jazasi tüpeyli xitaygha qayturulmaydighanliqini emma, qoyup bérilidighanliqini qarar qilghandin kéyin, bügünge qeder 17 neper uyghur, albaniye, palaw, bérmuda, shiwitsiye we shiwitsariye qatarliq 5 döletke yerleshtürüldi.



Photo: RFA

Sürette roshen abbas xanim guentanamo sepiride


Axirqi qétim shiwitsariye dölitige orunlashturulghan, bextiyar mexmud we erkin mexmud aka - Ukilar, 22 - Mart düshenbe küni ettigen saet 7 de ayropilangha olturup, giruziyide bir qanche saet toxtighan bolup, sewebi ular bilen birge güentanamo türmiside tutuqlanghan 3 neper ereb giruziyige orunlashturulghan.

Bextiyar bilen erkin seyshenbe ettigen shiwitsariye waqti saet 10 yérimda shiwitsariyining zurix ayropilan istansisigha yétip kelgendin kéyin, shiwitsariyining munasiwetlik hökümet xadimliridin teshkillengen 20 ge yéqin kishi teripidin kütüwilinghan. Bextiyar we erkin shiwitsariyidin, güentanamoning iguana lagirida xizmet qiliwatqan roshen abbas xanim bilen téléfunda körüshüp, shiwitsariye zéminigha qedem basqandin kéyinki eng chong xoshalliqini bildürgen.

Amérika uyghur birleshmisining sabiq muawin reisi roshen abbas xanim, güentanamodin radiomizning ziyaritini qobul qilip, erkin bilen bextiyar heqqide toxtaldi.

Hazir güentanamoda yene 5 neper uyghur bar bolup, roshen abbas xanim, ularning erkin bilen bextiyarning erkinlikke chiqip shiwitsariyige orunlashqanliqidin süyüngenlikini we özliriningmu xoshal künlerge choqum érishidighanliqini ishench bilen kütüwatqanliqini bildürdi.

Amérika aliy soti,güentanamoda tutup turuluwatqan uyghurlarning eslide 23 - Mart küni anglinidighan dewasini, ottura sot yeni erziyet sotigha chüshürüp bergen, uyghurlarning seybéin bashliq adwokatliri bolsa ottura sotning mezkür dawani washington rayonluq töwen sotqa ötküzüp bérishini telep qiliwatqan bolup, chünki töwenki sotta sotchi orbina, uyghurlarning amérikigha qoyup bérilishi heqqide qarar chiqarghan.

Roshen xanim axirida yene, shiwitsariyidiki erkin mexmut we bextiyar mexmutlar bilen 24 - Mart küni téléfunda köröshkenlikini bildürüp, aka - Uka ikkeylenning xoshal - Xoram halda özliri üchün éhtiyajliq buyumlarni sétiwilish üchün, jura rayonidiki soda bazirida aylinip yürgenliki, radio dolqunliri arqiliq shiwitsariye hökümitige, öz xelqige we ularni bügünki erkinlikke érishtürgen adwokati élizabét gélsin xanimgha alahide salam yollishini hawale qilghanliqini éytti.

Yuqiridiki awaz ulinishidin, bu heqtiki melumatimizning tepsilatini anglaysiler.

http://www.rfa.org/uyghur/xewerler/tepsili_xewer/guantanomo-03242010223148.html?encoding=latin