Hujum - dégen mana mundaq bolidu

[uyghur]

                                Hujum - dégen mana mundaq bolidu  


   Künmingdiki xitay puxralirida zadi néme guna? Qolidin kelse xitay eskerlirige, xitay saqchilirigha hujum qilsa bolmamdu! - Dégüchiler bolsa, méning bilen sözliship baqsun.

    Méning, özem yashawatqan bu dölette  adem turmaq, birer chiwinni zexmilendürüshkimu qolum barmaydighan , shundaq rehimdil, shuqeder xetersiz, döletning qanunlirini esla tonimisammu, héchqandaq jinayet sadir qilmay, bir kishilik puxraliq mejburiyitimni ada qilip yashawatqan , xudaning  bir mömin bendisi ikenlikimni mushu döletning istixbarat xadimliridin tartip kocha saqchilirighiche hemmisi bilip turupmu, üstümdin xitay döliti qandaq chaghda birer erz tapshurghan zaman, manga bildürüp yaki yoshurun halda méni aylap tekshüretti . Gerche men özemge aq bolsammu, bashqilarning manga orunsiz guman bilen qarishi we méni yiraqtin yaki yéqindin nazaret qilishi méningde heqiqeten éghir rohi bésim peyda qilatti . Bundaq chaghlarda bu dölettin hergiz renjimeyttim. Chünki üstümdin shikayet qiliwatqini, méning parakende bolushimgha wastilik rol oynawatqini düshminimiz xitay döliti ikenlikini intayin yaxshi bilettim.
    Bir qétim rohi keypiyatim bozulup, saqchi idarisidiki mesul xadimgha: men hazirghiche birer jinayet qilishni oylap baqmighan idim, eger mushundaq bésimgha uchrawersem, nérwam bozulup, bir küni tuyuqsiz xitay elchixanisigha bomba qoyishim mumkin!-Dédim. Mesul saqchi xadim - u özingizning ishi - dep , mesxre arlash küldi. Belki u - bu janbaqti ebgalar néme qilalaytti! Birer ish qilalighudek jüréti bolsa wetinini xeqqe tashlap bérip, buyerde boyun qisip yürmesti - dep jezim qildi heqichan. Men téximu nachar halda saqchi xanidin ayrilip udul adokatimning qoro'isigha chaptim. Adette körüshüsh üchün töt hepte awal sözleshme waqti élish kérek idi . Lékin bu qétim töt hepte emes, hetta töt sa'et kütkidek majalim qalmighan idi. Adokatimning sékritarining tosiwélishighimu pisent qilmastin ishxanigha üsüpla kirdim we saqchi xanida bolghan dé'alogni qsqila anglitip: eger bir a'ilining weyran bolmasliqi, bir ademning jinayetchi bolup qalmasliqi üchün qolingizdin kelse hazirning özide heriket qiling. Bolmisa hemmimiz kéchikimiz! - Dédim. Adukatim teqi - türqimdinla nérwamning tamamen bozulghanliqini pemlidi we derhal saqchi xanidiki manga mesul xadimgha téléfon qilip uni qattiq silkidi . Méni yandiki kütüsh bölümige bashlap qoyup, ishikni mehkem itiwélip, charek sa'etche zukumlashqandin kéyin, manga teselli berdi we üch kün ishqimu barmay, öydin siritqa chiqmay , dem alghach jawap kütüshümni éytti. Ikkinchi küni chüshtin kéyin adukatimdin xet tapshurup aldim. Bir parchisi saqchi bölüm bashliqidin kelgen özre. Yene bir parchisi adokatimdin kelgen tebrik we teselli idi.

   Men bu kechmishimni némishke eslep ötimen? - Mushundaq bir ténchliq amanliq, parawanliq, erkin azade dölette yashawétipmu, azraq parakendichilikni kötürelmey qilghan esebilikimni misal qilish arqiliq, wetinimizning jay - jaylirida jandin toyup, öz janlirini qurban qiliwétip barghan qiz- yigitlirimizning rohi halitini, turmush keypiyatlirini, hayatining qandaq dawamlishiwatqanliqini we qandaq axirlishiwatqanliqini chüshünüsh üchün kichikkine bir tal eynek teqdim qilmaqchimen.

  Hayatliqtiki qorqunchtin qutulush üchün ölüm bilen bedel tölesh kérek . Hayatliqtiki azap - oqubetlerdin qutulush üchün ölüm bilen bedel tölesh kérek . Töligen bedel insanni azaptin qutulduridu! Xitay qanunida adem öltürgen qatilgha ölüm jazasi ijra qilidighanliqini eng addi, sawatsiz kishilermu bilidu. Uning üstige xitayni öltürgen uyghurning aqlinish yoli yoq. Shundaq turup bir top qiz- yigitlirimizning künmingda xitaylarni chanap öltürüshliri zadi némidin dérek béridu? - Peqetla jandin toyup, özlirini xitay dölet tüzümidin ibaret bu wehshi dozaq azabidin qutuldurush üchün töligen bedeldur.

  Bizning qiz - yigitlirimiz bezenler éytqandek xitay eskerlirige, xitay dölet saqchilirigha hujum qilghudek qoralgha ige emes. Pütün dunya miqyasida saqchixanigha toplushup, pichaq kötürüp baridighan hujum shekli esla mewjut emes. Lékin ötken bir yil ichide we bu yilning béshida nurghun yigitlirimiz shundaq qildi. Saqchi xanidiki xadimlar itayin yoquri süpetlik xil qorallargha ige. Ularning aldigha toplushup pichaq kötürüp bérish néme démek? - Ale bundaq kargha kelmigen, héchkimge paydisi yetmeydighan sésiq janni!-Dégenliktin bashqa bir menasi barmiti?

    Ötken yilning axiri xotenge bir xitay sékritar bolup belgiliniptu. U xoten kochilirini bir qur aylinip körgendin kéyin jiddi yighin chaqirip: men özemni xuddi bir erep dölitige kelgendek hés qildim. Kéler yilning axirighiche xoten shehride birmu ropash ayal qalmaydu!-Dep jakarlidi . Démek xotendiki bu zulumni saqchi xadimliri emes, belki sékritar ijra'atqa chüshürdi . Shuningdek walilar, nahiye hakimliri tümen türlük zulumlarni ijra'atqa qoyghuchilardur. Janni bazargha sélishqa mejbur bolghanda, yaki shundaq yolni tallighanda eng ünümlük, puxadin chiqqudek hem dunyaghimu pur ketküdek, dunya ehli anglisimu : apirin- dep qalghudek yerni tépip andin - ale bundaq janni - désimu derdimiz yéniklep qalidu.

    Emdi kéleyli künmingge. Altundek güzel tupraqtin ayrilip, künmingdek bir qorqunchluq alwasti sheherde uyghur qiz- yigitlirige néme ish bar? - Künming xitay chigrasi ichidiki qachaqchilarning qelesidur we qachqunlarning pana jayidur. Wetinimizde tirik qolgha chüshse ölüm jazasigha buyrulup, étilip kétish xewpide qalghan kishilermu künmingghila ulishiwalsa hayatini dawamlashturalaydighan bir makandur. Biraq ötken yili öktebir tiyenenmin mashina weqesidin kéyin xitay dölet saqchi etriti pütün yünnen ölkiside tirikchilik qiliwatqan uyghurlargha qar-qoyuq jinayet gumandari mu'amilisini qollandi. Ularning köpünchisi qollirida héchqandaq kimliki yoq, özini ispatlaydighan héchnimisi yoq kishiler bolishida qilche guman yoq. Bu ehwalda tirik qolgha chüshüp qalsa xitay türmi'i'i'ide su'al - soraqsiz yillap yétip kétidighan, hetta tayaq zerbidin haram ölüp kétidighanliqi éniq. Eger bezenlirining kimliki ispatlansimu éghir jazagha mehkum bolidighan kishiler bolishi hem shübhesiz. Bundaq ehwal astida ularning qutulush yoli ölüm bilen bedel töleshtin ibaret birla charidur.

   Yene bir gepni qisqiche izahlap qoyghum bar: künmingdiki- uyghur hujumida öltürülgen xitaylar bégunamidur? - Bu su'algha héssiyat bilen jawap bérishke bolmaydu. Eger jawap bérishke qiziqsaq, kéyinki on yette yil ichide yünnenlikning qolida öltürülgen uyghurlarning qebristanliqigha bir nezer sélip baqayli!.....

    Shenbe künidiki bir qétimliq uyghur hujumida ölgen xitaylar oxshashmighan menbelerde yigirme yette etrapida, éghir yarlanghan xitaylar yetmish , ölüm xewpidin töwenrek  türlük yarlanghan xitaylar toqsandin artuq- dep bildüriliwatidu. Hujumchilar onbir kishi mish. Ulardin töt kishini xitay saqchiliri dilo meydanida étip öltürgenmish .

    Némila bolmisun bu qanliq weqe künmingdiki qachaq uyghurlar bilen shu yerdiki xitaylar arisidiki uzun yilliq toqunushlarning ochuq ashkare partilishi - dep qarash xata emes. Lékin xitay dölet bayanatchisi dilodin kéyin  bir saxta  neq meydan élan qildi.  Yeni ottursida ay yultuz, yoquri qirghiqida iman kélisimi yézilghan bir kök bayraqni ashu hujumchilargha a'it-dep körsetti. Démek bu weqenimu xitay döliti namda oydurup chiqqan - türkistan islam partiyesi - ge baghlap, yünnendiki barliq uyghurlarni téror gumandari tizimlikige kirgüzüshni emelge ashurmaqchi .

    Yene shuningdek , xitay bu weqedin köplep utuq yariti'ishi mumkin. Yéqinda achidighan qurultayda mushuni bana qilip türlük pikirlerge cheklime qoyush, nöwettiki ilham toxti qizghinliqini pak pakiz yuyup tashlap, dunya axbaratini qaymuqturush, hetta cheteldiki bayanatchilirimizning tili bilen : xi'itayning éghir zulmigha chidimay shundaq qildi,.. Dége ndek gepler arqiliq bu weqenimu wetinimizde yüz bériwatqan bashqa weqelerge chétishturup, andin erkin asiya radi'osining muxbirlirini yünnendiki namelum uyghurlargha ulap bérip, axirida rabiye qadir xanimmu jarangliq bayanat élan qilip dégendek, özichila  bir baghlinishliq neq meydan teyyarlansa, démek bu ishning bir uchi amérikidin  yene bir uchi yünnedin chiqip, taza bir qutulalmighudek dewaning ichide qanche aylap özlirini aqlash bilen waqit ötse... Bularning hemmisi béshimizdin ötken qaymuqturulushlardur.herhalda déqqet qilish kérek!.....