London uyghur ansambili italiyide oyun qoydi

[Aziz Isa Elkun]

London uyghur ansambili italiyide oyun qoydi

xtiyariy muxbirimiz erkin tarim
2011-06-06


Cheteldiki uyghurlar uyghur mesilisini dunya jamaetchilikige anglitish bilen bir waqitta, uyghur senitini jümlidin uyghur naxsha-Usullirinimu dunya jamaetchilikige tonutmaqta.



RFA/Erkin Tarim
London uyghur ansambili italiyining torino sheherlik sherq muzika muzéyining zalida oyun qoydi. 2011-Yili 2-Iyun.


Bolupmu engliyide paaliyet élip bériwatqan london uyghur ansambili yawropa döletliride oyun qoyup, yawropaliqlargha uyghurlarning naxsha-Muzika, usullirini tonushturmaqta. 6-Ayning 2-Küni london uyghur ansambili italiyining gherbiy shimaligha jaylashqan torino sheherlik sherq muzika muzéyining zalida oyun qoydi.

7 Kishidin terkib tapqan london uyghur ansambili 6-Ayning 2-Küni chüshtin kéyin italiyining torino shehiridiki 40 bashlanghuch mekteptin kelgen oqutquchi-Oqughuchilardin 500 etrapida kishige uyghur naxsha-Muzikiliri heqqide léksiye bergendin kéyin, shu küni kechlik konsértta uyghur naxsha-Muzikiliridin örnekler sunghan.



London uyghur ansambili italiyide. 2011-Yili 2-Iyun.

London uyghur ansambilining qurghuchiliridin rachél xars xanim dutar, nizamettin samadof tembür, stépxén jonés ghéjek, rustem saliyéf dap, kamil abbas ghijek chalghan konsértta, rehime mexmut xanim 12 muqamdin parchilar, ghulja we qeshqer xelq naxshiliridin örnekler sunghan.

Rehime mexmut we kamil abbasning éytishiche italiye xelqi uyghur naxsha-Muzikilirigha bekla qiziqidiken, bu konsért italiyidiki yash-Ösmürlerning qattiq alqishigha sazawer bolghan.

Biz bu heqte téximu tepsiliy melumat élish üchün neq meydangha téléfon qilip ansambil mesuli eziz eysa, senetchi kamil abbas we naxshichi rehime mexmut xanim qatarliqlar bilen söhbet élip barduq.

Copyright © 1998-2011 Radio Free Asia. All rights reserved.


Menbe:

http://www.rfa.org/uyghur/programmilar/medeniyetsenet/london-uyghur-06062011153941.html/story_main?encoding=latin


Xewerni anglash:

http://www.uyghurensemble.co.uk/en-html/universal-av/lue_concert_turin_itlay_rfa_0706011.mp3