Londonda otkuzulidighan Noruz Bayrimini tebriklesh merkisige teklip
Essalamu eleykum En’gliyide yashawatqan mohtirem wetendashlar!
Sizni En’gliye Uyghur Jama’iti namidin 3- ayning 21- kuni (Yekshenbe) Londonda otkuzulidighan Noruz Bayrimini tebriklesh merkisige teklip qilimiz.
Noruz - millitimizning esirlerdin buyan dawam qilip kéliwatqan birdin bir en’eniwy yéngi yilni tebriklesh milliy bayrimidur. Noruz - u yilning béshi, zimistan qishining qoghlunup yéngi bir pesilning almishishi, illiq baharning kélishidur, tebi’etke, weten’ge, ana tupraqqa bolghan muhebbettur; Noruz - u yéngi bir hayatliqning bashlinish muqeddes kunidur.
“Noruz” digen soz Paris tilida “yéngi kun” dégen manani ipadileydighan bolup Iranliqlar we Türkiy xelqlerning ortaq yéngi yilini tebriklesh bayrimidur. Bu bayram qedimdin bashlap Shemsiye kaléndari boyiche yil axirliship yéngi yil kirish küni (miladiye kaléndari boyiche 3-ayning 21-küni) yeni kün bilen tün tengleshken baharning 1-künide ötküzülüp kelgen.
Uyghur millti noruz bayrimini mezmuni mol bolghan her turluk shekiller bilen tebrikleydighan bolup asasliqi tenterbiye we sen’et paaliyetlirini élip bérish, a’ilillerde Noruzning xasiyiti suptide noruz maysisi osturush, dala tuzlerde noruz naghrisi chélish, mehellilerde qapaq koydurup aylinip soghuq qoghlash pa’aliyiti élip bérish, oz-ara yoqlash, noruz éshi itish, noruz seylisi qilish we noruzluq arzu- tileklerni bayan qilish qatarliq shekillerde alahide gewdilinidu.
Noruz bayrimi yene oz ara méhri muhebbet, soygu, illiqliq, inaqliq yetkuzush, oz ara epu qilish, kechurush, kélijekke ittipaqliq, omluk we jasaret bilen nezer sélish bayrimidur.
Gerche bu yilliq Noruz bayrimi istibdad Xitay hakimiyiti bugunki kunde Uyghur milliti ustidin tarixita misli korulmigen milliy, siyasiy, diny, medeniy we iqtisady jehetlerdin éghir talan – taraj qilish élip bériwatqan we “5- Iyul” qanliq weqi’esi yuz bérip millitimiz eng éghir musibetlik kunlerni béshidin otkuziwatqan bir mezgilge toghura kelsimu emma En’gliyide yashawatqan Uyghurlar qayghuni kuchke aylandurup, hayatliqning nishani bolghan etige, bu muhajiretlik hayatta weten erkinligining kelgusige mutleq umut baghlash, oz ara ittipaq bolush we omlukimizni mustehkemlesh jumulidin milly enenimizni dawam qildurush we zulumette yashawatqan wetinimiz Sherqiy Turkistan (Uyghuristan) diki millitimizni yad itish, ulargha medet tilesh we bu ulugh milly bayrimimizda wetendin ayrilish hijiranida koygen oz musibetlik yureklirimizge bir deqiqe bolsimu sebir taqet, jasaret, teselli we umut ata qilishtur.
Ene shu meqsetler bilen sizni En’gliye Uyghur Jama’iti namidin 3- ayning 21- kuni Londonda otkuzulidighan Noruz Bayrimini tebriklesh merkisige qatnishishqa teklip qilimiz.
Waqti: 3- ayning 21- kuni sa’et 1pm de bashlinip 11 pm de ayaghlishidu.
Pa’aliyetke qatnishish heqqi: £10. (chonglardin kishi béshigha qarta elinidu. Balilar heqsiz)
Orni :
Andover Community Centre
Andover Estate
London N7 7RY
United Kingdom
Alaqilishish email: oghuz@live.co.uk
(Nearest tube station: Finsbury Park (Victoria & Piccadily lines )
Eskertish: Ata -anilar balillirini bille elip kelishini tewisiye qilimiz. Uyghur ballilliriningmu bu xasiyetlik noruz kunide bir yerge jam bolup bille oynishi we noruz shadlighidin teng behriman bolushini nezerde tutup bu kundiki pa'aliyetning sa'et 1pm din 4pm kiche qeder bolghan waqtini balilarning oynishigha ajirattuq. Chonglar uchun Noruz Bayrimini tebriklesh pa'aliyiti 4pm din 11pm giche dawam qilidu.
Hormet bilen En’gliye Uyghur Jama’iti namidin
9- Mart 2010- yili. London
http://www.uyghurensemble.co.uk/en-html/u-uk-uyghurs-events.html
Locked
