Merhum Sélimaxun Zeynalof akimizning xatirisi: TURNILAR
Locked
Merhum Sélimaxun Zeynalof akimizning xatirisi: TURNILAR
 
Administrator
|
This post was updated on .
Merhum Sélimaxun Zeynalof akimizning xatirisi: TURNILAR
Aziz Isa  Uyghur academic, musician Sélimaxun Zeynalof deceased in Almaty on 28 March 2011. In this video he plays tembur (on the right- the very long Uyghur insturment). This video has recorded during our field work in Almaty, Kazakhstan 2003. Uyghurning yene bir yultuzi öchti! uyghurning ataqliq kompozitori, ma’aripchi we muzikanti sélimaxun zeynalof ependi 28-mart küni almutada 75 yéshida yürek késili bilen wapat boldi. Janabiy alla akimizning axiretlikini xeyrlik qilghay amin! Töwende merhum akimiz sélimaxun zeynalof ependining 2003- yili men almuta gha barghanda almuta döletlik uniwérsitétining doktori abduraxman akimizning öyide bolghan bir méhmandarchiliqta abduraxman mexmut akimiz bilen bille orundighan weten elemliri téma qilin’ghan naxshilardin “uyghurum”, “turnilar” qatarliq naxshilarni filimge alghan idim. Bu naxshilar wetende éytish cheklen’gen naxshilardur. Töwende bu filim (video) larni keng tordashlar bilen teng körüshni we bu arqiliq merhum sélimaxun zeynalof ependining pütün hayatida qazaqistandiki uyghurlarning ma’arip, edebiyat we sen’et sahelirige qoshqan töhpiliri arqiliq yad étishni arzu qildim. Men merhum sélimaxun zeynalof ependi bilen 2003- yili bir qanche qétim körüshken we méhmandarchiliqlarda bolghan. Bu uchurushushlargha munasiwetlik süretlerni keng tordashlar bilen pat yéqinda ortaqlishishqa tirishimen. Töwende bérilgen london uyghur ansambilining torbékitidin merhum sélimaxun zeynalof we abduraxman mexmut akilirimiz ijrasidiki “uyghurum”, “turnilar” we bashqa qazaqistanda 2003- yili filimge élin’ghan naxshilarni (videos) london uyghur ansambilining torbékitidin köreleysiz. Turnilar Sepler tüzüp égiz kökte asmanda, Uchup keldi ana yurttin turnilar Qarap qaldim, qarap qaldim asman’gha Awazini ejeb mungluq anglimay... Qayrildinglar étirapqa, qat -qat qaqisen Qanitingda hesret élip keldingmu? Mungluq sayrap nelergidu aqisen Awazingda bozek elning derdini... Mungluq sayrap nelergidu aqisen Awazingda bozek elning derdini... Tonumiding, menmu qaldim telmürüp, Körgenmu de ghulja qeshqer xotenni. Yürikimde azab qaldi köydürüp, Körelmidim, körermenmu shu elni! Hey körelmidim, körermenmu shu elni! _______________________ ئۇيغۇرنىڭ يەنە بىر يۇلتۇزى ئۆچتى! ئۇيغۇرنىڭ ئاتاقلىق كومپوزىتورى، مائارىپچى ۋە مۇزىكانتى سېلىماخۇن زەينالوف ئەپەندى 28-مارت كۈنى ئالمۇتادا 75 يېشىدا يۈرەك كېسىلى بىلەن ۋاپات بولدى. جانابىي ئاللا ئاكىمىزنىڭ ئاخىرەتلىكىنى خەيرلىك قىلغاي ئامىن! تۆۋەندە مەرھۇم ئاكىمىز سېلىماخۇن زەينالوف ئەپەندىنىڭ 2003- يىلى مەن ئالمۇتا غا بارغاندا ئالمۇتا دۆلەتلىك ئۇنىۋېرسىتېتىنىڭ دوكتورى ئابدۇراخمان ئاكىمىزنىڭ ئۆيىدە بولغان بىر مېھماندارچىلىقتا ئابدۇراخمان مەخمۇت ئاكىمىز بىلەن بىللە ئورۇندىغان ۋەتەن ئەلەملىرى تېما قىلىنغان ناخشىلاردىن “ئۇيغۇرۇم”، “تۇرنىلار” قاتارلىق ناخشىلارنى فىلىمگە ئالغان ئىدىم. بۇ ناخشىلار ۋەتەندە ئېيتىش چەكلەنگەن ناخشىلاردۇر. تۆۋەندە بۇ فىلىملارنى كەڭ تورداشلار بىلەن تەڭ كۆرۈشنى ۋە بۇ ئارقىلىق مەرھۇم سېلىماخۇن زەينالوف ئەپەندىنىڭ پۈتۈن ھاياتىدا قازاقىستاندىكى ئۇيغۇرلارنىڭ مائارىپ، ئەدەبىيات ۋە سەنئەت ساھەلىرىگە قوشقان تۆھپىلىرى ئارقىلىق ياد ئېتىشنى ئارزۇ قىلدىم. مەن مەرھۇم سېلىماخۇن زەينالوف ئەپەندى بىلەن 2003- يىلى بىر قانچە قېتىم كۆرۈشكەن ۋە مېھماندارچىلىقلاردا بولغان. بۇ ئۇچۇرۇشۇشلارغا مۇناسىۋەتلىك سۈرەتلەرنى كەڭ تورداشلار بىلەن پات يېقىندا ئورتاقلىشىشقا تىرىشىمەن. فىلىم بىلەن بارغىنىمدا بىزگە ئورۇنلىغان "تۇرنىلار" ناخشىسىنى مەرھۇم ئاكىمىزنىڭ ھايات خاتىرىسى ئۈچۈن كەڭ تورداشلار بىلەن تەڭ مەرھۇم سېلىماخۇن زەينالوف ۋە ئابدۇراخمان مەخمۇت ئاكىلىرىمىز ئىجراسىدىكى “ئۇيغۇرۇم”، “تۇرنىلار” ۋە باشقا قازاقىستاندا 2003- يىلى فىلىمگە ئېلىنغان قاتارلىق ناخشىلارنى لوندون ئۇيغۇر ئانسامبىلىنىڭ توربېكىتىدىن كۆرەلەيسىز. تۇرنىلار سەپلەر تۈزۈپ ئېگىز كۆكتە ئاسماندا، ئۇچۇپ كەلدى ئانا يۇرتتىن تۇرنىلار قاراپ قالدىم، قاراپ قالدىم ئاسمانغا ئاۋازىنى ئەجەب مۇڭلۇق ئاڭلىماي... قايرىلدىڭلار ئېتىراپقا، قات -قات قاقىسەن قانىتىڭدا ھەسرەت ئېلىپ كەلدىڭمۇ؟ مۇڭلۇق سايراپ نەلەرگىدۇ ئاقىسەن ئاۋازىڭدا بوزەك ئەلنىڭ دەردىنى... مۇڭلۇق سايراپ نەلەرگىدۇ ئاقىسەن ئاۋازىڭدا بوزەك ئەلنىڭ دەردىنى... تونۇمىدىڭ، مەنمۇ قالدىم تەلمۈرۈپ، كۆرگەنمۇ دە غۇلجا قەشقەر خوتەننى. يۈرىكىمدە ئازاب قالدى كۆيدۈرۈپ، كۆرەلمىدىم، كۆرەرمەنمۇ شۇ ئەلنى! ھەي كۆرەلمىدىم، كۆرەرمەنمۇ شۇ ئەلنى! http://www.uyghurensemble.co.uk/en-html/u-field-av.html http://www.uyghurensemble.co.uk/en-html/field-av.html http://www.uyghurensemble.co.uk/
Aziz Isa Elkun http://www.azizisa.org
|
Re: Merhum Sélimaxun Zeynalof akimizning xatirisi: TURNILAR
|
Administrator
|
| Free forum by Nabble | Edit this page |