Naxsha anglawëtip oylighanlirim
toxtiniyaz alim
Bir milletning til güzelliki, Til ishlitish aditi shu milletning medeniyitini namayan qilishta muhim rol oynaydu. bolupmu naxshilardiki til güzelliki millet saghlamliqining muhim ölchimidur.
yëqindin buyan, Herqaysi sorunlirimizda ëytiliwatqan naxshilirimizda til güzelliki, Bolupmu mene güzellikige ehmiyet bërilmeydighan ehwallar köpiyip qaldi. mesilen:
‹‹këtip barghan mashinining aldi chaqi pes,
Bu zamanning qizlarining erge tegmiki tes.››
* * *
‹‹atning yaxshisi toruq,
Qizning yaxshisi oruq.››
* * *
‹‹hey tash, Oyna yoghan bash,
Sanga boysunmas, Manga kelse yawash.››
mana mushundaq tëkistlik naxshilardin qandaq huzur alghuluq!? yuqiriqi tëkistlerning beziliri xelq qoshaqliri bolup, Mueyyen sorunda bezi qiziqchi elneghmichiler teripidin köngül xushi bahaniside waqitliq özgertilip orundalghini bilen, Buning zaman, Makanini chüshenmigen doramchilirimiz uni qayta bazargha sëlip, Naxshichiliqimizgha haqaret keltürüsh bilen bille, Naxsha senitimizning qedir – qimmitini yerge urmaqta.
naxsha güzel, Mentiqiliq til seniti arqiliq tingshighuchigha ilham, Shadliq, Ümid ata qilish bilen bille, Uning mungigha mungdash bolidighan qudretlik senet. shundaq iken, Bu senetning qedir – qimmitini bilmigen kishining bu kochida xalighanche ong – tetür jöylüydighan heqqi yoq! naxsha senitidin ibaret güzellik dunyasigha qedem basquchigha tewsiyem shuki, Naxshilirimizni özgertish, Orunsiz burmilash, Mentiqisiz qurashturushliringiz bilen uni depsende qilmang!
Locked
