Qanliq kéche 6.26 kimni oygha salmaydu?!

[Tarim050709]

Qanliq kéche 6.26 kimni oygha salmaydu?!

Ilham Toxti

6-ayning62-küni yüz bergen qanliq weqe YouTube arqiliq neq meydanda yüz bergen weqening mahiyitini bizge ashkarilidi.Men bu weqeni "uyghurlar bilen xenzular otturusidiki sürkilish"déyishke qilche tilim barmidi,men bu weqeni1949-yilidin béri junggoda yüz bergen bir qétimliq milliy öchmenlik xaraktirini alghan eng éghir "irqi qatilliq"dep atashni muwapiq kördüm.Shawgüenlikler, éniq qilip éytqanda shawgüenlik bir qisim xenzular uyghurlargha nisbeten jinayet ötküzdi.

http://www.Youtube.Com/watch?v=iaBoFdFC9EI&feature=related

Diki bu qanliq weqe méni qattiq azabqa qoydi.Körünüshte yer uyghurlarning qéni bilen boyaldi,sansizlighan radikal xenzular uyghurlarni qoghlap turup uruwatidu,éghir tayaqtin yerge yiqilip midirlash küchimu qalmighan uyghurlarmu wehshiylerche kaltekliniwatidu,yene beziler kaltek bilen qebih urulghinidin hushuni bilmey yerde yatqan qérindashlirimni "bu shinjangliq téxiche ölmeptughu...","anangni si***!bu terepte adem köp téximu qattiq uruwatimiz"dewatqanliqinimu anglaysiz.Ular hetta yash uyghur qizinimu qoghlap urdi!adem qélipidin chiqqan bu haywanlar,ular teripidin qattiq zexmilendürülüp hushsizlan’ghan ademni urushqa qandaq qoli bériwatqandu? !ular hetta uyghurlarni urup éghir zehmilendurgenligidin,hetta olturgenligidin hayajanlinip xushal boluwatidu.

Http://www.Youtube.Com/watch?v=dh7zpztz1tA&feature=related

Bu körünüshte saqchilar,zawut qarawulliri uyghurlarning jesitini qutquzush mashinisigha éliwatidu......。shawgüenlikler torda hayajanlinip6-ayning26-küni kech sa’et10din bashlap etigen 6-giche uyghurlarni izdep,qoghlap qattiq urghanliqini ....Bu ariliqta 20 zorawanliqqa qarshi saqchi mashinisi,30tin artuq saqchi mashinisining kelgenliki lékin ularning qarapla turghanliqini ,burun bundaq jim turudidighan yawash saqchi bar dep oylapmu baqmighanliqini yazdi,....Ular yene zawut yataq rayonidiki 100din artuq taziliq ishchisining ikkinchi küni 2 sa’ettin artuq waqit serp qilip yerdiki qanlarni aran tazilap bolghanliqi yazdi.

Bu xil weqe shinjangda bolghan bolsa qandaq bolghan bolatti?Eger shinjangda tümen’ge yéqin uyghurlar bir nechche yüz xenzuni urghan bolsa qandaq bolar idi！tümen’ge yéqin uyghur emes ,birnechche onla uyghur yighilip namayish qilghan bolsa yaki naraziliq pa’aliyiti élip barghan bolsa toluq qorallan’ghan herbiylerni ishqa salghan bolatti.Yene nurghunlighan bu weqege qatnashqan hetta qatnashmighan tughqanlar,dost buraderler tutqun qilinip türmige tashlan’ghan bolatti ,yene bir qisim uyghurlar térorischi,bölgünchi,radikal islamchi dégen qalpaq bilen étilghanmu bolatti!emeliyettimu shu!méning bu sözlirimni yalghan ,sen oydurup tépiwatisen,shinjangda uyghurlar xenzularni ursa melum bir ademning yalghan gep tarqitishi bilen bolghan bir qétimliq addiy surkulush dep bir terep qilinidu démekchimu?

Hazir weqening heqiqiy ehwali téxi élan qilinmighan bolsimu lékin beziler,bezi küchler,bezi hakimdarlar bu peqet zawuttin ishtin boshitilghan birsi zawuttin öch élish üchün uyghurlar xenzu qizgha basqunchiliq qildi dégendek yalghan gepni tarqatqanliqtin bolghan dep chüshendürüwatidu.Uyghurlargha munasiwetlik délo yaki weqeni ispatsiz békitish ular üchün shundaq qulay,shundaq asanmu?Yaki bu uyghurlargha chétishliq her qandaq mesilini békitishte ichki jehettin békitiwalghan mizanimu? Bu qétimqi uyghurlargha qarita öchmenlik,zorluq,irqi hujum esli xenzular nomus qilsa bolidighan,eyibleshke tégishlik weqe’éniqki uyghurlar ziyankeshlikke uchrighuchi, hökümet élan qilghan xewerge qarighanda hazirghiche2uyghur ölüp100ge yéqin uyghur zexmilen’gen.

Lékin ta hazirghiche meyli shinjangdin bolsun meyli shawgüendin bolsun birer xenzuning uyghurlardin epu sorighanliqini yaki ziyan’gha uchrighuchi uyghurlarning a’ile tawabatidin epu sorighinini körmiduq ,ular nomus qilishni bilmemdighandu?Torlarda xenzular hetta uyghurlarni urup yarilandurghan hetta öltürgenlerni aqlawatidu,xenzu iriqchillirining sani shunche köp ,küchi shunche küchlükmu?Bu yalghan xewerni tarqatqan sansizlighan xenzu torlirining ichide birmu tor taqiwétilgini yaki ochuq eyiplen’gini yoqqu?Yaki yalghan söz-chöchek tarqatqan sansizlighan xenzu torliridin biresimu bu qilmishi toghruluq epu yaki oylinish maqalisi yazghini yoqqu?Uyghurbiz tori üch yil ichide héch qandaq sewebsiz 8qétim taqiwétilgen’ghu?Yene taqisang taqa!xelq üchün sözlimigen ,xelqning ahu-peryadigha ,awazigha hemdem bolmighan torning néme kérigi?Ichkirige uyghur emgek küchini yötkeshni özining muhim xizmetlirining biri dep qarap,ajayip teshwiq qiliwatqan uyghur aptonom rayoni téxi bu weqe toghriliq söz achqini yoq.

Buxildiki weqelerni köptürüp,jarildap teshwiq qilishqa adetlen’gen shinjang axbarat wastilliri bu toghruluq xewer yaki héch qandaq chüshenche berginimu yoq.Ular uyghurlarning béshigha kelgen yamanliq we külpetlerni yoshurushqa adetlen’genligini yene bir qétim xelq -alem aldida ispatlimaqta.

Atalmish xenzu kishilik hoquq pa’alyetchilliri,künde erkinlik, démokratiye dep warqiraydighan,maqale yazidighan xenzudinmu biri chiqip heqqani söz qilmidughu?Ularning neziride uyghurlargha qaritilghan irqi kemsitish,milliy zorawanliq,milliy qirghinliq normal hadisimidu?Yaki ular uyghurlargha kishilik hoquqning kérigi yoq,ular hoquqsiz hayatqa adetlen’gen dep qaramdighandu?

Xop! ular belkim öz hökümitining sözige ishenmigenliktin, yalghan sözge ishinip rezillik bilen bu irqi kemsitish,irqi öchmenlik,irqi qirghinchiliqqa ünsiz sükütte turuwatqandu!ular yekende yüz bergen xenzu oqutquchining uyghur nareside qizni depsende qilish weqesidimu sükütte turdighu?Hetta bu weqe toghriliq torlarda sözlishishnimu chekligen idighu?Perizimche torda bu weqege inkas yazghan uyghur tordashlarmu belkim "ular teripidin"tutulghandu yaki qara tizimlikke kirgüzulgendu?

Yalghan söz chöchek tekshürülüsh arqiliq éniq bolattighu?Undaqta dawamliq qutratquchilarning gépige ishenmenglar deydighan xenzular bu qétim yene qandaq yéngi sözlerni tépip chiqar?Neq meydandin élin’ghan filimdin qarighanda gerche köpligen saqchilar neq meydan’gha yétip kelsimu hökümetsiz halette qéliwergen.Jonggoning saqchiliri peqet xenzularningla bixeterligini qoghdashqa mes’ulmu?Shinjangda uyghurgha munasiwetlik atalmish weqelerning qaysi biri bu qétimqi shawguende yüz bergen weqedin éghir?Lékin qaysi bir weqe saqchi yaki" eng söyümlük kishilirimiz"dep teriplinidighan armiye tereptin basturulmighan?Qaysi bir weqe térorist herikiti dep békitilmigen.

Bultur xotende uyghur ayalliri élip barghan tinch yighilishmu térorsitchilar,radikal dinchilar,bölgunchiler teripidin qilindi dep birinchi künila xaraktiri békitilgen’ghu?Yene nechche onlighan kishi saqchixanigha élip kélinip soraq qilindighu?Zindan’gha tashlan’ghinimu bar téxi!jinayiti addiy qutratquchi!bölgünchi!térorischi!ular ananggha basqunchiliq qilghanmu?Yaki ular qaysi bir xenzuning péshige tikketken?Shawguendiki weqening xaraktirini néme dep békitmekchi?

Bu ishqa birinchi kündin bashlapla merkezning qol tiqqanliqi éniq boldi.Merkez siyasiy biyrosining ezasi joyongkang ,merkez siyasiy biyrosining ezasi ,guangdong hökümitining partiye sékrtari wangyang qatarliq hoquqluq merkez rehberliri muhim yolyoruqlarni berdi we testiq saldi.Éniqki merkez siyasiy biyrosi bu weqede segeklik bilen mu’amilide boluwatidu.Köpligen uyghurlar merkezdin umut kütmekte,merkezning bu xil weqelerni qandaq adil bir terep qilidighanliqini ,qandaq xaraktir békitidighanliqini kütmekte.Elwette ,shinjangdiki milliy siyasetning ijra qilinishida özgirish bolushini ,yaman weqening oylinish,yaxshi burulush élip kélishini umut qilmaqta.
Téxi yéqindila shinjang da’iriliri özliri köp pul xejlep ishligen télwiye filimide ,ichkirige bérip ishlewatqan uyghur qizlirining ichkiride nahayiti ghemxorluq ichide bexitlik yashwatqanliqini maxtinip teriplep shinjang-2 qanalda qoyghan’ghu?Bügün bu uyghur emgekchi küchlirining ichkiridiki biteley serguzeshtillirige néme dep jawab bermekchi?Bu biteley uyghur emgechiler siler teripidin teshkillinip ichkiri ölkilerge élip bérilghan, silerning mes’uliyitinglarchu?

Bu emgekchilkerni teshlkilligen shexslerdin qaysinglar teshkillesh ,bashqurush ,ijra qilish messuliyitini ustunglerge élip ornunglardin chushusiler? Ichkiridin xenzu emgekchi kuchlirini milyonlap sh u a r gha’élip kélish bilen bir waqitta uyghur emgekchi küchlirini her xil teshwiqat bilen ichkirige yötkep kélish siyasitini yene dawamlashturmaqchimu? Uyghur emgekchi küchlirining sapasi töwen,xenzuche uqmaydu shunga uyghurlarning ishsizliq nisbiti éghir dégendek sepsetiler yene kishini qayil qilalarmu?Yaki sapasi töwen xenzuche bilmeydighan uyghurlar tereqqi qilghan xenzu rayonlirida ishleshkemuwapiq,öz ana tilinimu chélip yaxshi sözliyelmeydighan sawatsiz ,yérim sawatsiz gensuluq,sichuenlik, xénenlik xenzularshinjangda ishleshke muwapiq dep qaramsiler?

Chong xenzuchiliqning xetirini suslashturush,chong xenzuchiliqning
Mewjut ikenlikini inkar qilish bilen bir waqitta chong xenzuchiliqqa yéshil chiragh yéqip bérishning xetiri mana men dep ispatlandighu?

Ésinglarni yighiwélinglar! shawgüenlik xenzular özining uyghur emgekchi küchlirige qarita élip barghan irqi kemsitish,irqi zorawanliq,irqi qirghinliq arqiliq silerge jawab berdi.Yene shu xata siyaset pilaninglar dawamlishidighan bolsa hakimdar millet xenzuning arisidiki awazi eng küchlük ichkiriliklerning yeni
Xenzularning qattiq qarshiliqigha uchraydighanlighinglar éniq ispatlandi.Ular uyghurlar kebi qoydek yawash emes.

Partiye ,döletning shinjanggha qaritilghan siyasiti toghra ijra qilinsa bu xil weqe yüz bergen bolarmidi?Aptonomiye qanuni,emgek qanuni,....Siler üchün qeghez ustidiki rengmu-ye?

Axirida uyghur qérindashlarning bu weqege hisyatchil inkasta ,hetta öch élish dégendek xiyallarda bolmasliqini ,yamanlarning qiltiqigha chüshüshtin hezer eylep bashtin ayaq qanuni usul bilen hel qilishqa tirishishini umut qilimen.Bu qétimqi weqede uyghurlar ziyankeshlikke uchrughuchidur,hökümet axbarat wastiliri bergen xewerdin qarighanda merkez we munasiwetlik qanun orunlirining bu weqede pozitsiyisi éniq yeni qanun mizandur.Qanunsiz inkas bashqilarning uyghurlargha qilghan jinayitini sétiwalghanliqidin ibaret --xalas!

Eskertish:latin nushudiki uighur yezighini yengidin ugunuwatqan. Muhbir ependining tehririlep qoyushuni umut qilimen. Shundaqla uighurche ipadilesh quwutimning ajizlighidin hijilighimni buldurumen.

Menbe:

http://www.Uighurbiz.Net/forum/viewthread.Php?Tid=1710 uyghurbiz tori (uyghurtorda)

Menbesini eskertish: amraq munbiri http://bbs.Amraq.Com/,tor adrisi:
http://bbs.Amraq.Com/viewthread.Php?Tid=1135