Rabiye xanimgha xet

[Uyghurtilek]

Rabiye xanimgha xet

Men bu xetni eslide munazire meydanlirida ilan qilish niyitim yoq idi. Rabiye xanimgha egeshkuchi we uning eng qatiq ixlasmenliridin birsi bolghanliqim uchun, hazirghiche Rabiye xanimgha bolghan her xil pikirlerge qarshi turup keldim. Amma yeqindin buyan bir liderning supitige mas kelmeydighan herketlirige qulughum bilen bizat shait bolghanliqim uchun, hem heyran qaldim hem ishenchim ajizlashti. Shundaq bolsimu yenila tengqitni, semimi aghahlandurushni hujum dep qarap qalmisun dep, towendiki xetni Rabiye xanimning uzige email bilen ewetishni uyghun kordum we ewetim. UAA ning xadimliridin Rabiye xanimgha yetkuzup berishni iltimas qildim. Amma aridin 24 saat otti, tapshurup alghanliqi heqide bir jumle xet almidim. Dimek Rabiye xanim Munazire meydanini 24 saat kuzitip turidiken yaki kuzetkuzidiken, amma emailgha qarimaydiken. Shuning bilen amalsiz bu meydangha chaplashqa qarar berdim. Belkim bezi ixlasmenler meni haqaretlishi, hetta bu yazmini bu yerdin derhal ochurwetishi mumkin. Eger xata qilghan bolsam, ixlasmenlerning manga toghra yolni korsitip qoyushini iltmas qilimen. (Men xetni towendiki emaillargha salghan idim. [e-mail], [e-mail], [e-mail], [e-mail], [e-mail]

Hormetlik UAA we DUQ mesuliri bu xetimni Rabiye xanimning uzige yetkuzup berishinglarni iltimas qilimen.

Hormetlik Rabiye xanim, men bir weten perzenti bulush we sizning qollughuchingiz bulush supitim bilen sizge bir-qanche noxtida pikirlirimini yetkuzmekchimen. Bu pikirlirimni soghuq qanliq bilen oylishishingizni we pikiringizni berishingizni iltimas qilimen.

Aldi bilen shuni qeti bir shekilde eytip otimenki, sizning Weten dawasida oynighan rolingiz we orningiz munazire telep qilmaydu. Bu yolda toligen bedilingizmu kishini tesirlendurmey qalmaydu. Siz lider, dahi ikenligingizni aldi bilen uzingiz qobul qilishingiz we buningha ishinishingiz kerek. Hazirghiche kop sewenliklerni uzingizning liderlikige bolghan ishenchingizning ajizliqidin sadir qilwatisiz. Uzige ishengen lider, herket pilanini, siyasitini UAA ning yaki Wetinim torining we yaki bashqa munazire meydanliridiki yazmilargha ( mediye bolsun, ijabi tengqit bolsun yaki hujum bolsun) qarap belgilimeydu.

Yeqindin buyan tor betliride bir qisim maqalilar yezilwatidu, bularning az bir qisimi heqiqeten DUQ ge we sizge ashkara hujum, bir qisimi DUK ning teximu kuchlinishi uchun berilgen ijabi tengqitler, teklip-pikirler yene bir qisimi orunluq mediyeler, yene bir qisimi quruq, paxpaq mediyeler… bularni perqilendurup qarash kerek. Bezi dorilar achiq bulidu, amma kisel dawalaydu, bezi zeherler tatliq bulidu, insani olturidu. Shunga siz sizge ichi quruq mediye yazghanlarni, shuar towilighanlarni dost, ijabi tengqit we teklip bergenlerni dushmen qatarida muamile qilmaslighingiz kerek.

Bir-qanche kundin buyan, sizning dunyaning hemme jaylirigha telifun qilip, Tor betliride tengqidi qarashlirini yazghanlarni eniqlash uchun kop charchawatqaliqingiz, her doletin bir-qanche kishige ayrim-ayrim wezipe tapshurup ularni Tor betige maqale yezip, tengqidi pikir bergenlerni “sesiswetish” ge uyushturghanliqingiz … kochilarda eqip yurwatidu. Bu geplerning kopi del siz wezipe tapshurghan kishilerning eghizi bilen tarqilwatidu. Ularning kopi sizning gepingizni ret qilalmay, tapshuruqliringizgha maqul dep jawap bergendek qilghan bilen, emilyette ularning kalisidin otmeywatqanliqi, ijabi pikirlerge haqaret qilishqa wijdani yol qoymaywatqanliqi uchun we sizge yaq dise, “Rabiye xanimning dushmini” sepige kirip xataliship kitishni ensirep maqul dep qoyup, sizni xosh qilip qurtulush taktikisini ishlitip, bir –ikki chek basmaydighan, ichi quruq mediyelerni yezip qoyup, wijdani azaplanghanliqi uchun, etrapidiki yeqinligha “hich kimge dime..” dep pichirlap qoyup, wijdanini rahetlitidighan ehwallar yuz berwatidu.

Siz bir lider, liderning wezipisi putun qabilyetlik kishilerni etrapigha toplash, ulardiki ittipaqliq, kolliktiw ish qilish rohini kuchlendurush, qayil qilish, putun qabilyet igiliridin paydilinishni bilish…kerek. Amma bir-qanche yilliq tejribe-sawaqlar, riyanliqlar shuni eniq korsetiki, siz etrapingizdiki, sizni himaye qilghan qabilyetlik kishilerni uzingizge her waqit tehtit dep qarap keldingiz. Ularni yoq qilish, ularni dawadin yiraqlashturush uchun her xil ( yeni sizdek bir liderge qeti mas kelmeydighan shekilde) taktikilarni ishlitip keldingiz. Sizning bu taktikiliringiz ichide eng kop ishletkingiz we unum bergini ( waqitliq bolsimu) “sesitish” taktikisi boldi. Waqitning otishi bilen bu taktikamu hazir kishiler teripidin mazaq qilinidighan bir ehwalgha chushup qaldi.

Belkim, bu gepim sizge sel eghir kitishi mumkin, shunga bir-qanche misalliri bilen eskertish qilip qoyay. Mesilen, UAA ning sabiq reisi Nury Turkel ependini “ Xitay Elchixanisining adimi, qulimizda eniq pakit bar…” digen gep bilen sesitingiz. Sizdek bir lider undaq ishenchilik gepni qilsa, bizning ishenmesligimiz mumkinmu? Amma siz UAA ning reisi bulup, uzun otmey sizning Nury Turkel bilen quda-baja bolghanliqingizni anglap intayin heryan qalghanlardin birsi boldum. Sizdek bir Lider, milliti uchun ikki oghlidin (turmida), milyonlighan mal-dunyasidin kecheligen bir lider, “Xitay Jasusi, Xitay Elchixanining adimi” bilen tuqan bulushtin, Heshemetlik mihmanxanida toy otkuztin waz kechelishingiz kerekti. Kiyin Nury Turkel sizning eng yeqin meslehetchingiz boldi. Men we manga oxshash nurghun kishiler kop heyranlqi ichide tingqirqap qalduq. Nury Turkel eslide Xitay Elchixanisining adimi emesmidi? Eger shundaq bolghan bolsa aridin qisqighina bir waqit otush bilen nime ozgerdi, yaki Nury Turkel towe qilip, epu sordimu? Amma undaq bir hadisini anglimiduq. Dimek siz Nury Turkelnimu “sesitish” taktikingizning qurbani qilghanliqingiz waqitning otishi bilen aydinglashti. Uningdin bashqa Memet Tohti, Ehmetjan Osman, Kamil Tursun, Ruqiye Turdush, Omerjan, Orkesh Dolet, Erkin Alptekin, Enwerjan, Ablimit Tursun, Memtimin Hezret, Ghulam Osman, Rishat Abbas, Erkin Sidik, Rushan Abas, Qutluq, Ablajan Leylinaman, Iliyar Shemshidin, Behtiyar Shemshidin, …( yene sanash mumkin) qatarliq kishilermu sizning “sesitish” taktikingizning zerbisige uchrighan insanlar. Shunga hazir bularning hich birsi DUQ ge yeqin kelmeywatqanlar yaki aktip xizmet qilmaywatqanlar. Siz Lider bulup, bu insanlardin paydilinishni bilishingiz kerek idi, epsuski dawayimiz qabilyetlik insanlargha muhtaj buliwatqan bir waqitta bu insanlarning zerbige uchrap, yiraqlap kitishi dawayimiz uchun bir azapliq ehwal, bir israpchiliq.

Elwette, nowette siz bilen DUQ da ximet qilwatqan intayin qabilyetlik inqilapchilirimiz bar, meslen, Alim Seytoff, Dolkun Eysa, Esqerjan, Seyit Tumtur, Omer Kanat, Semet, Nury Turkel, Dilshat Reshit, Perhat Yurunqash, Turghun Alawudun, Erkin Emet, Qahriman Hojamberdi, Ilshat, Nury, Qutluq, Husen Hesen, Memtimin Ala...qatarliqlar. amma beside sizning bu kishilerdinmu narazi buliwatqanliqingiz, ularni bashqa kishiler aldida hetta Dawa bilen hichqandaq munasiwiti yoq kishiler aldida kichik chushurup, ularni abroyizlashturushtek herketliringizge shait bolduq. Shu sorunda kuluship, way..way.. dep otkuzwetken bilen, amma sirtqa chiqipla sizdin narazi bolghanlar kop boldi. chunki siz birge xizmet qilwatqan, sizge put-qol bulup ishlewatqan kishilerni azraq kamchiligi sewebidin ularni eyiplisingiz, tamashibilar aldingizda sizge qarshi awaz chiqarmighan bilen, keyningizdin ghulghular qilishigha sewep boldi. chunki siz bille ishlep turup, bir tereptin eyiplewatqan u kishilerningmu xelqimiz arisida belgilik tesiri bar, millet ularning qilwatqan ishlirinimu koridu. Dawagha kop ejriliri singen insanlar.

Yeqinqi bir-qanche kundin buyan sizning yene “sesitish” taktikisini ishqa selip, bir-qisim kishiler ustidin yasalma, yalghan gepler tarqitish uchun, kop doletlerge telifun qilip, mexsus adem uyushturwatqanliqingiz kochilarda tarqilip yurwatidu. Bu sizning salahiyitingizge peqet mas kelmeydu we otken tejribilerdin bu taktikingizmu bazar tapalmaydu. Bu ushaq herketler uzingizning Liderlik obrazini sundurush, DUQge bolghan ishenchini ajizlashturush, Xitayni kuch serip qilmastin ghelbige erishturush uchun desmiye bulushtin bashqigha yarimaydu. Bashqisini oylimisingizmu siz ishenchisiz dep qarilawatqan, hujum qilish chembirigining ichige alghan yeni “sesitish” ubukti qilip talighan kishiler hich bolmighanda Babur Mehsutin, Shemshinur Xitaylardin ishenchilik insanlar ikenligini xiyalingizdin bir otkuzweting.
Siz Lider ikensiz sepni ajizlitish emes, putun kuchlerni birleshturush, Ana ikensiz ayrimchiliq qilmastin, aniliq mihrini baliringizgha berishingiz, hemisini quchaqlishingiz kerek.
Tor betlirige yezilghan meyli mediye, meyli tengqit bosun… uni yazghanlarni tapimen, ulargha zerbe berimen …digendek erzimes ishlardin azat bulushingiz, waxtingizni, kuchingizni, ejringizni erzimes ishlargha serip qilmastin, miletning teqdirige munasiwetlik ishlar serip qilishingizni iltimas qilimen. Siz didektiv emes, bir lider ikenligingizni xatirlishingiz kerek. Sizni, siz telifun qilip, sizning zakasingiz bilen yezwatqanlar mudafiye qilamaydu, sizni etrapingizda mustekem turup , DUQ da birge xizmet qilwatqanlar we “sesitish” taktikingizning qurbani bulup septin yiraqliship ketkenler (yuqurda ismi atalghanlar)eng yaxshi qoghdaydu. Chunki ular heqiqi wetenperwerler. Heqiqi inqilapchilar.

Bular hazirghiche sizning “sesitish” taktikingizning qurbani bulup kelgen bolsimu, amma dawyimizning menpeti, DUK ning mustekkemlinishi, birlikning buzulmasliqi uchun ghorurining depsende qilinishigha taqet qildi, sizge qarshi herket qilimidi. Siz buning qedrini bilsingiz yaxshi bulatti. Eger siz yenila kona taktika buyunche ish qilimen disingiz, uzingizge qaytip qelishi mumkin. Bizde “poqa chama atsang, yuzunge chachraydu” digen gep bar. Sizdek bir liderning yuzige chachrap ketse palaket bulidu.

Bir Janabi Allahdin bashqa, insanlarning hemisi xatalishidu, sewenlik otkuzidu. Sizmu bir insan, xatalashmasliqingiz mumkin emes, amma mesile xataliqni korsitip bergenlerni dushmen dep qarimasliqingiz kerek. Men shunga bu xetni bashqilardek munazire meydanigha emes, sizning ozingizge email bilen biwaste ewetishni uyghun kordum. Bu xetim uchun menimu “dushmenler” katigoryesige kirguzwetishingiz mumkin, menimu “sesitwetish”ingiz mumkin. Shunga menmu ehtiyat qilip, sizning bu semimi xetimge qandaq jawap qayturidighanliqingizni bilmigenligim uchun ismimsiz yezishqa mejbur boldum.
Eger pikirimni oyliship baqsingiz we jawap bersingiz kop xoshal bulimen.

Sizning Oghlingiz



<><><><><><><><><><>



Bu oyunning arqida kimbar?



(Bu xetni, Amérikidiki Rabiye xanimning hazirqi katiwi Zubayra xanim tünigün yézip, Gérmaniyidiki Perhat muhemmidige ewetip, tüzütip élan qiliwétishini sorighan. Bu xet e - mail arqiliq köpligen uyghurlarning qoligha yetküzülgen. UAA torida bir nechche qétim élan qilinip, öchüriwétilgen. Bu xet meyli qaysi nuqtidin qandaq peyda bolghan we tarqalghan bolishidin qet´i nezer, bu qaznaqta saqlinip qélishini muwapiq körüp yollap qoydum. Bu oyunning axirini emdi körimiz.)


Xet:


Salam Perhat, Towendiki hetni Hanim sizni 'wetinim' torbiti we UAA message board ta 'TURAN' nami bilen yezilghan "Ghelite Birliktelik'ning ahirqi charisi" digen yazmigha jawaben sizni bir qur tehrirlep, tuzitip, ikkila tor betke qoyup qoyushingizni soraydu.

2-gep: Siz 'wetinim' tor betige mundaq nerse yezip qoyung (Emma buni tehrirleng we kerek bolsa tuziting deydu): 'Wetinim' tor beti, mehsus Hitay, Hanimning abroyini cushurush ucun Hitay Enquantingdin ecilghan tor bet.

Ekremning mushu hizmetni qilishi ucun, U DUQ da wahtida balisi we hotunini aciqip berish arqiliq, Rabiya hanimgha qarshi turush wezipisi berildi. Enquantinglar Milli dewayimizni tohtutush ucun, bundaq tor betidin koplep ecishi mumkin, buningda hesethor bilen shohretperesler we jasuslarni birlikte usulgha salidu. Helqimizning herwaqit hushyarliqini ashurishini umut qilimiz. Rabiya hanim we Rabiya hanim dewri buninggha taqabil turalaydu, cunki Ularning qolida Adalet tughi bar. Emdi Towendikisi esli het, we attachment mu qilip ewettim.

"Memet Tohti ependim bek kayip ketipsiz. Hotuningizgha ohshash kona jasuslar Rabiya Hanimni qiltaqqa cushergen bolishi mumkin. Likin Rabiya Hanim nahayeti eqilliq hushyar ayal. Babur Mehsutni Rabiya hanimgha eng ishencilik, eng yahshi dep tonushturghan siz we Dolkun Isa we sizning etrapingizdikiler. Rabiya Hanim ak kongul bir Uyghurni hizmetke saldim dep oylighan bolishi mumkin.

Bizning animizning putun etrapi jasuslar bilen qorshalghan. Nurghun eyipleshler we shikayetler 20 ademning tutulush pursitidin paydilinip Hanimgha hujumgha otti. Huddi Babur Mehsutni Hanimgha qiltaq qilip salghandek, bumu Enquantingning orunlashturushi.

Zhonguo Communistic Partiyisining Uyghur dewasigha hujum qilidighan ishliri buningdinmu qebih ciqishi mumkin. Animiz tikenning ustige dessep, putliri qangha boyalghan halda, sawatsiz, hesethor we jasuslarning cuqanliri icide, kozliri yashqa tolghan halda oz helqining turmilargha kirgen, etilghan, tayaq yigen perzentliri ucun, yurekliri hesretke tolghan halda, hemmisige taqabil turup, Animizni shermende qilimen digenlerni ozini shermende qilip, herqandaq tosuqtin, herqandaq tohmetlerdin sah-salamet ciqip keteleydighan qudriti bar.

Memet Tohti ependim, Memtimin Hezret Ependim, Ghulam qarghu, Ekremler, Memtimin Ela, Koresh Atahan, Ehmetjan Osman we Amerikidiki perde arqisida turup herket qiliwatqan bir er, bir ayal we dunya Uyghur qurultiyi icide bulargha material teyarlap beriwatqan, mensep humarida mes bolup ketken erbab, siler wetenni azat qilish ucun uzundin biri towlawatqan erbablardin edinglar, Rabiya Hanimgha arqimu-ariqidin hujum qilip qaldinglarghu? Silerning bu yazghan nersenglar, Rabiya Hanimning abroyini kundin-kunge osturidu, iradisini tawlaydu.

Silerning epti-beshirenglarni 20million helq ashkarilaydu. Babur Mehsut bolamdu, siler bolamsiler, Rabiya Hanimgha buningdinmu artuq qabahetlerni ekilishinglar mumkin. Emma hergizmu aqni qara, qarini aq qilalmaysiler, cunkin u Yaratqan Allahning qolida.

Rabiya Hanim hemmini yengip, wetenni azat qilidighan bir acquc. Sherqi Turkistangha selinghan mustemlikining qara qulipining acquci Rabiya Hanimning qolida. Pat purset, yeqin saette, Rabiya Animiz we uning etrapidiki Hanimgha sadiq bolghan qollighuciliri bilen, nahayeti cong mojiziler meydangha kelip, Sherqi Turkistan azat bolidu.

Cunki Rabiya Hanim emeli we realni ishleydighan ayal. Silerge ohshash kocida gep setip, websitening icide inqilap qilmaydu. Eger Oghul bala bolsanglar isminglar bilen kirip, yene Rabiya hanimgha caplawatqan, qipbolalmidi digen illetliringlarni, telepliringilarni, ozenglar ciqip orundap emelge ashurunglar, kimler silerning qolunglarni tutuwaldi, yolunglarni tosuwaldi? Tarihinglardiki jinayetni ashuning bilen yuweteleysiler.

Belki yeziwatqan nersenglardin pehirlinip, accighinglardin ciqiwaldim dewatqansiler, huddi Hitay tillap, Rabiya Kadeer Hanim we DUQ ning abroyini kotergendek, silermu Rabiya Hanim bilen kuc elishimen dep yezip, tihimu abroyini kotirwatisiler.

Rabiya Hanimni yoqutush yaratqan Allahning qolidin kelidu; Rabiya Hanimni yoqutush digenlik, 20 million helqning qelbidiki umutni yoqutush digenlik.

Rabiya Hanimni siler bekitmidinglar, Tarih yasap cihti. Rabiya Hanim shuni bilgenliki ucun, ene shu cuqanlargha, ene shu tikenlerge berdashliq beriwatidu

DUQ digen, yeqinda qurulghan teshkilatingiz, Rabiya Hanim ciqqandin keyin, yalghanciliqlar, mali-matangciliqlar hemmisige asta-asta hatime beriwatidu. Siz Babur Mehsutning mesilisi bilen Hanimni nahayiti murekkepleshturup korsitipsiz. Uningdin artuq ishlarghimu Hanimning taqabil turghuciligi bar.

" Zubayra Shamseden

Assistant International Uyghur Human Rights and Democracy Foundation
1701 Pennsylvania Avenue, NW. Suite 300 Washington DC, 20006
Tel: 202... Fax: [phone]




<><><><><><><><><><>




wetendashlar diqqitige :

< bu oyunnung arqisida kim bar ? > digen namda yezilghan yuqarqi maqalining Zubayra xanim arqiliq manga iwetilgenliki tilgha eliniptu, manga Zubayra xanimdin bundaq bir email kelgini yoq, Rabiye xanim bilen körüshtüm, xanimningmu bundaq bir xettin xewiri yoq iken, men buni Xitayning arimizgha bölgünchilik selish üchün oynighan oyuni dep qaraymen we qerindashlirimizning bu jehette segek bolushini ümit qilimen !
UAA adminliridin telipim, bu xetning qeyerdin qoyulghanliqini eniqlap chiqip wetendashlargha derhal elan qilsa !

Perhat Mehemmidi



<><><><><><><><><><>



Yuqarqi yazmilar UAA ning tor betidin kochruldi.

Menbe adresi: http://www.uyghuramerican.org/forum/showthread.php?t=19376

.