Sadir Yetim Qalghan Besh Balisini Izdep

[Aziz Isa Elkun]

Sadir Yetim Qalghan Besh Balisini Izdep

( Exmetjan Osman )

Sadir dep etim qaldi,
Dangzida xetim qaldi.
Xetimni oqup baqsang,
Besh balam yetim qaldi.

1

Cheqildi zemin
Alqinida tengrining.
Shu muqeddes tozan ichidin
Qopti Sadir.

2

-- Sejde qil…!

Yukundi Sadir,
Mangliyini yaqti tozan’gha.
Koturgende beshini
Ghayip boldi tengri shu haman.
Chaqti chaqmaq,
Guldurlidi ershi’ala.
Perizatlar
Uchup otti aldidin.
Ayiqigha tokuldi nurlar,
Kozlirini yumdi bir haza…

3

-- Achqin kozungni…

Salam berdi anga Jebra’il.
Egildi Sadir,
Qollirini qoyup koksige.
Yaydi Jebra’il hesen – husenni,
Yurup ketti Sadir ustide
Bildurup anga
Minnetdarliq.

4

Hesen – husendin
Chushti Ming Oyge.
Karwan
Ghayip bolghan alliburunla.
Ming Oy –
Chushup qalghan ming qongghuraq,
Turar idi jaranglap.

5

Ugdidi
Qoyup beshini gugumgha.
Uchup ketti kepinek,
Kirpikige qonup bir haza.
Temip ketti uning rengliri
Qarichuqigha Sadirning.
Rengler:
Bahar,
Yaz,
Kuz,
Qish,
Beshinchisi –
Pesillerning pinhanlirida
Yitken pesil.

6

-- Balilirim!

Chachrap turdi Sadir ornidin.
Tokuldi alqinigha
Shaxliridin kechining
Besh yultuz.

7

Mollitoxtiyuzide
Uchrashti anga
Qebre tusluk bir boway.
-- Sadirmu sen?
Kel oghlum,
Baliliringni korsitey sanga.
Boway
Yetilep chiqti oyidin
Besh wax namazni.

8

Ustide
Sadir yuzining
Cheqildi Boghda.
Towlar idi u:
-- Balilirim…!!!

9

-- Dada…!

Yugurup keldi aldigha
Kawapdan.
Koydi zixta pizildap
Sadir yuriki.

Qoshaq:
Sadir dep chochek qaldi,
Bir oghlum godek qaldi.
Oghlumdin sorap baqsang,
Bir zixla yurek qaldi.

10

-- Dada…!

Uchup keldi aldigha
Shepereng.
Asta – asta ochti nurliri
Sadir kozining.

Qoshaq:
Sadir dep chiragh qaldi,
Bir oghlum bowaq qaldi.
Kozige qarap baqsang,
Bir jupla kawak qaldi.

11

-- Dada…!

Yugurup keldi aldigha
Judun.
Tamche – tamche muzlidi
Sadir qanliri.

Qoshaq:
Sadir dep bahar qaldi,
Oghlumgha tumar qaldi.
Oghlumni korup baqsang,
Bir qaqshal chinar qaldi.

12

-- Dada…!

Yugurup keldi aldigha
Qebre.
Qebre tashta yeziqlar:
“Miras… miras… miras”.

Qoshaq:
Sadir dep nida qaldi,
Bir oghlum juda qaldi.
Oghlumdin sorap baqsang,
Bir eks sada qaldi.

13

-- Dada…!

Lerzan bardim aldigha,
Ghuwa lepildep.
Chushup ketti qebre
Chongqur ichimge.

Qoshaq:
Sadir dep etim qaldi,
Bir balam yetim qaldi.
Balamdin sorap baqsang,
Tenida tenim qaldi,
Jenida jenim qaldi.

14

Cheqildi qebre
Sukutumning teren tektide.
Tutekler ichidin
Qopti Sadir.

15

-- Sejde qil…!