Shepeq fondi jemiyiti uyghur rayonida méhir - Muhebbet yetküzmekte

[Elqut]

Shepeq fondi jemiyiti uyghur rayonida méhir - Muhebbet yetküzmekte


Muxbirimiz irade
2010-12-21

Engliyide qurulghan dawn yeni shepeq fondi jemiyiti 2007 - Yilidin béri uyghur rayonining ürümchi shehiride namrat, yétim - Yésir balilarni oqutush, ige - Chaqisiz qéri- Chörilerning halidin xewer élish qatarliq xeyr - Saxawet paaliyetliri bilen shughullinip kéliwatqan bir fondi jemiyet.

Bu jemiyet ürümchide ikki sinip tesis qilip, oqushsiz qalghan balilarni oqutup, ularning jemiyettin özige bir kishilik orun tépishigha sharait yaritip bermekte. Biz aldinqi qétimliq programmimizda bu fondi jemiyet we uning qurghuchisi naim chuman ependini silerge qisqiche tonushturup ötken iduq.

Bizning shepeq fondi jemiyitining tor bétidin igilishimizche, bu fondi jemiyet 2007 - Yilidin bashlap ürümchide sinip tesis qilghan. Siniplarda hazir 200 bala oquydighan bolup, bularning 156 nepiri uyghur, 44 nepiri xitay iken. Yéshi 6 yashtin tartip 16 yashqiche bolghan bu balilarning 58 nepiri yétim bala. Bu xeyr ‏- Saxawet orgini teripidin yardemge érishiwatqan bu 200 neper bala ürümchidiki namrat rayonlardin körsitip bérilgen 400 bala arisidin tallap chiqilghan.

Bu fondi jemiyet engliye puqrasi bolghan naim chuxan ependi teripidin qurulghan bolup, u özi biwasite bu fondi jemiyetning ishlirini yürgüzüp kelmekte. Igilishimizche, yéqinda naim chuxan ependi engliyidiki uyghur ansambilining qurghuchisi eziz ependi bilen alaqiliship, qandaq qilghanda uyghur rayonidiki bu yardemge mohtaj kishilerge téximu köp yardem béreleydighanliqi, engliyidiki uyghurlar bilen bu mesiliside qandaq hemkarlishalaydighanliqi heqqide pikir almashturush meqsiti bilen eziz ependi bilen körüshken. Biz eziz ependi bilen bu uchrishishning mezmuni heqqide söhbet élip barduq.

Shepeq fondi jemiyitining tor bétini bu yerdin Körüng.

Awazni bu ulunushtin anglang:

http://www.rfa.org/uyghur/xewerler/tepsili_xewer/dawn-fondi-12212010151059.html/u1221-pma.mp3

Menbe:

http://www.rfa.org/uyghur/xewerler/tepsili_xewer/dawn-fondi-12212010151059.html/story_main?encoding=latin