Söyündürdi salamnamingiz

[WebEye]

Mehemmedjan Rashidinning yeqinqi bir shiiri
Söyündürdi salamnamingiz

2010– yil2– ayning8– küni11:02shinjang gëziti

— abliz ömer hajining ‹‹ salamname ›› sige salam

Muhemmetjan rashidin

1

Söyündürdi, Inim, Yazghan salamnamingiz,

Yëngi yilliq manga sun'ghan qedeh – jamingiz.

Bir künliri qedirlinip sizmu, Ilahim,

Esirlerdin halqip ketkey ömür shamingiz!

Insan dëgen ulugh mexluq, Ajayip mexluq,

Bille anga gahida ghem, Gahida shoxluq.

Kelgenlerning bu besh künlük paniy dunyagha

Ta ketkiche arzuliri xushalliq, Toqluq.

Menmu, Inim, Tilla tilek shularning biri,

Shagirtdurmen, Emesmenki qelemning piri.

Kirip qaldim qaysi küni men bu kochigha,

Chiqalmidim chingqap naxsha towlighansëri.



Nurghun ishlar sözliniptu salamingizda,

Pak tilekler yangrap turar awazingizda.

Mëni xijil qildi, Lëkin, Qeley jismimni

Tartqiningiz altun tartqan tarazingizda.

Oqup chiqip, Sözingizdin xushalmu boldum,

Chünki, Unda yaxshilargha misalmu boldum.

Yetmish yilliq hayatimda loqman rohi yoq,

Shu sewebtin nechche künlep osalmu boldum.

Taghlar ara talaylardin pesmen'ghu, Shunga,

Tenglishelmey könglüm künde gheshmen'ghu, Shunga?

Tomuzlarda mende tüzük salqin ne qilsun,

Qishta aran issiq bergen meshmen'ghu, Shunga?

Bolalaymen men qandaqche heqiqiy shair,

Bolalaymen zöhre üchün qandaqche tahir?

Süt, Qaymiqi bille turghan salamnamingiz

Jiq ishlarni qildi mëning aldimda zahir!




Gürüldigen bir tügmen bar mëning meydemde,

Sharqiraydu ünche chëchip birderya hemde.

Shëir dëgen naxshilarning jëni, Jewhiri,

Nede undaq ulughwarliq bolghay zemzemde?!

2



Shular üchün bu kochigha kirip qalghanmen,

Shu kochining ishqi bilen köyüp yan'ghanmen.

Qanche azghun gül tutsimu, Eldin azmasqa

Eng awili yürikimdin qesem alghanmen.

Shular bilen bille keldim yashap yetmish yil,

Egeshmidim gheyrilerni dessep yetmish xil.

Harwa – harwa musheqqetler baqsimu sinap,

Özüm tarttim, Tartalmisa uni yetmish yil.

Zörür bolsa aldim ilham tümenlep taghdin,

Yoldin ötsem ilham yene chillaydu baghdin.

Shëir dëgen tuzsiz bolmas, Xurujsiz bolmas,

Këler u el külgen yaki yighlighan chaghdin.

Shular üchün, Shëir üchün yashighinim rast,

Her misraning söygüside yashnighinim rast.

Gah shëir dep yürek – baghrim silge aylandi,

Her shëirni qan – terimdin yasighinim rast.

Menmu shair bolalmayttim shular bolmisa,

El tonumti shular asqan tumar bolmisa?

Yürermidi shairlargha yilda gül tutup,

Ashiqlardek shëirlargha xumar bolmisa?

Mëning üchün shular chalghan chawaklar ela,

Shular chalghan dutar, Tembur, Rawablar ela.

Qaysi shair, Qaysi tahir,Qaysi jawahir?

Heq aldida shular bergen jawablar ela.

Yar dep yürüp yarmu tuttuq, Qandüq yaliship,

Dostmu tuttuq, Hayatliqta öttuq yariship.

Axir bilduq: elde iken esli ulughluq,

Yaq! dëgenler toxtap qaldi axir taliship.


Ularkirse bille kirdim chatqallarghimu,

Zörür bolsa shularni dep chüshtüm gharghimu.

Bilip qëling: shëir tilim shularning tili,

Aylan'ghinim rasttur, Shunga, Bextiyarghimu.

Yazghanlirim elmisaqtin shularning zoqi,

Düshmenlerge atqanlirim shularning oqi.

Shular üchün yazar idim yetmish esirmu,

Yazalmidim, Ömür cheklik, Amalning yoqi!

3


Künde sizge könglüm yëter, Özüm yëtelmey,

Zarlighandek kimdur tayni tulpar ëtelmey;

Nuri öchti közlirimning, Emma qelemdin,

Japasida ketti ömrüm, Keldim këchelmey.




Qeghez, Qelem ghewgha qilur pichirlap künde,

Mügdep qalsam segek ishik ghichirlap künde.

Yetmish yilda ghapilliqtin kelmekte saqlap

Dërizidin kirgen shamal shpirlap künde.



Shëirlirim eng awili weten söygüsi,

Mëning bilen her ochaqta bille köygüsi.

Shairliqim hayat namliq dëngiz tektidin

Nësip bolsa seksendimu göher süzgüsi.

Ghulach këtip, Bu ömürning ghërichi qaldi,

Yashliq këtip eziz tenning qërishi qaldi.

Bolmaydiken ‹‹ al ›› ni bilip, ‹‹ ber ›› ni bilmisem,

Qollirimning emdi elge bërishi qaldi.

2010 – yil 20 – yanwar, Ghulja

— shairning 70 yëshi qutluqlan'ghan bu ‹‹ salamname ›› gëzitimizning 2009 – yil 12 – ayning 26 – künidiki ‹‹ gülshen ›› bëtide ëlan qilin'ghan.



( Muherrir : Buayshem )