Uyghur naxsha - ussulliri Londonda

[Aziz Isa Elkun]

Uyghur naxsha - ussulliri Londonda

Muxbirimiz erkin tarim  2009-02-18

Yéqinqi yillardin béri yawrupa döletliride yashawatqan uyghurlar uyghur mesilisini dunyagha téximu yaxshi tonushturush üchün uyghur naxsha - Ussul we muzika ömeklirini qurup herxil senet paaliyetlirige qatnishish oyun qoyush arqiliq uyghur senitini tonushturupla qalmastin uyghurlarning bügünki weziyitinimu anglatmaqta.

London uyghur ansambili 2 - Ayning 17 - Küni kech saet 7 de london uniwérsitéti asiya - Afriqa institutining bruney tiyatirxanisida oyun qoyghan bolup, sürette, ansambil ezaliri sehnide.  RFA Photo / Erkin Tarim


Bulardin biri londonda paaliyet élip bériwatqan london uyghur ansambilidur. London uyghur ansambili 2 - Ayning 17 - Küni kech saet 7 de london uniwérsitéti asiya - Afriqa institutining bruney tiyatirxanisida oyun qoydi.

Bu konsértta uyghur we inglizlardin terkip tapqan senetchiler uyghur muzikisidin nemunilar körsetkendin bashqa uyghur ussulchi qizlar usul nomurlirinimu orundighan.

Ikki saet dawam qilghan bu senet kéchilikige london uniwérsitéti oqutquchi - Oqughuchiliri, ingiliz tamashibinlar we londonda yashawatqan uyghurlardin bolup 500 din köp kishi qatnashqan.

Bu senet kéchiliki heqqide téximu tepsili melumat élish üchün neq meydangha téléfon qilip london uyghur ansambili mesuli éziz eysa we tamashibinlar bilen téléfon ziyariti élip barduq.

Yuqiriqi awaz ulinishidin, bu téléfon ziyaritimizning tepsilatini anglaysiler.


Xewer menbesi:

RFA Uyghur

http://www.rfa.org/uyghur/xewerler/tepsili_xewer/london-ensambili-lond