En’gliye uyghur jem’iyiti yéngi rehberlik hey’itini saylap chiqti

[Elqut]

En’gliye uyghur jem’iyiti yéngi rehberlik hey’itini saylap chiqti


2010-yili 7-ayning 22-küni

2002 -yili bir nechche kishining gheyretliri bilen qurulghan en’gliye uyghur jem’iyiti ta bügünki kün’ge qeder nurghun egri-toqay yollarni bésip  gerche adem sani az bolsimu imkaniyetliri yar bergen da’iride  az bolmighan ishlarni qilip kelgen idi.

En’gliye uyghur jem’iyiti idare hey’iti >

Sherqiy türkistan dewasining xelq’aralishishi we yurtdashlirimizning kündin kün’ge köpiyishi bu teshkilatning tereqqiy kélishi we pa’aliyet da’irisining kéngishige türtke bolmaqta. Shu wejidin bu yerdiki uyghur qérindashlarning küchlük telipige asasen, en’gliye uyghur jem’iyitining xizmetlirini téximu küchlendürüsh, teshkilatni qaytidin tertipke sélish we yéngi rehberlik apparatini saylap chiqishqa riyasetchilik qilish meqsitide d u q  re’isi rabiye xanimning tapshuruqi bilen d u q mu’awin re’isi esqerjan bilen bash katip dolqun eysa 2010-yili 7-ayning 17-18 künliri  londonda, en’gliye uyghur jem’iyitining yighinigha  qatnashti.
Birinchi kündiki yighinda  teshkilatning xizmet doklati oqup ötüldi hem wekiller otken sewenlikler we netijiler toghrisida qizghin muzakire qildi. Her bir wekil ayrim-ayrim pikir bayan qilip qandaq qilghanda bu teshkilatning xizmitini yaxshi élip barghili bolidighanliq toghrisida qimmetlik pikirlirini berdi.

Ikkinchi kündiki yighinda bu qétimqi saylamni qandaq élip bérish mesilisini muzakire qilish bilen birge, qandaq qilghanda bu yerdiki uyghurlarning medeniyet, örüp adet , ma’arip, til  we dini étiqadlirini saqlap qalghili bolidighanliqini, siyasiy pa’aliyetlerni we dawayimizni küchlendürüsh yolliri heqqide etrapliq muzakire élip bérildi.

Yighin wekillirining birdek awaz qoshushi bilen, démokratik asasta öz-özini namzat özi körsitish yaki wekillerning namzat körsitishi netijiside teshkilatning re’isi, mu’awin re’isi, maliye mes’uli, bash katipi qatarliq 7 kishidin teshkil tapqan  rehberlik apparati saylap chiqildi. Nizamidin ependi teshkilat re’islikige, dilshat ependi mu’awin re’islikige, qurbanjan ependi bash katipliqqa, idris ependi maliye mes’ulluqigha we bashqa 3 neper kishi hey’et ezaliqqa saylandi.

Saylamgha d u q mu’awin re’isi esqerjan ependi riyasetchilik qilip, saylamning démokratik we adaletlik shekilde élip bérilishida muhim rol oynidi. Dolqun eysa d u q nizamnamisidiki qa’ide tüzümlerni we prinsiplarni tonushturdi hemde en’gliye uyghur jem’iyiti rehberlik apparatigha bolghan teleplerni d u q bolupmu xelqimizning kütidighan ümidini sözlep ötti.

Esqerjan ependi xulase sözi qilip yighinning nahayiti muweppeqiyetlik échilghanliqini, hemde en’gliye uyghur jem’iyiti rehberlik apparatining démokratik saylam arqiliq saylinip chiqilghanliqini, yéngi rehberlik hey’itini qizghin tebrikleydighanliqini we shundaqla nizamidin ependining en’gliye uyghur jem’iyitining re’isi bolup saylinishi bilen d u q ning en’gliye wakaletchilikige teyinlen’genlikini jakarlidi.


Axirda yéngidin saylinip chiqqan hey’etler pikir bayan qilip d u q ning rehberlikini qobul qilip, d u q ning her xil orunlashturushlirigha qizghin awaz qoshidighanliqini, en’gliyidiki siyasiy, medeniy pa’aliyetlerni küchlendürüsh bilen birge yurtdashlar arisidiki birlik, ittipaqliq, qérindashliqini téximu chingitidighanliqini otturigha qoyup ötti.

Yéngi rehberlik hey’iti bundin kéyinki xizmet pilanlirini qisqiche bayan qildi.

Ishinimizki teshkilatimiz d u q ning bir tutash rehberliki we bu en’gliyidiki qérindashlirimizning yéqindin yardemde bölishi arqisida xizmetlirimiz ulughluq bolghusi.


Xewer menbesi:

http://www.uyghurcongress.org/uy/?p=1774 ئەنگلىيە ئۇيغۇر جەمئىيىتى يېڭى رەھبەرلىك ھەيئىتىنى سايلاپ چىقتى

[Oghuz]

Mubarek boldun. Engliyediki jama'etning birlik-ittipaqlighi emelge ashsun! Silerning bu xalis we japaliq xizmetke atlanghininglardin hemimiz soyunimiz we silerge yaxshi tileklirimizni bildurimiz.

[Elqut]

Engliye uyghur jemiyiti yéngi ijraiye komitéti ezalirini saylap chiqti

Ixtiyari muxbirimiz erkin tarim
2010-07-26

Xewerni Erkin Asiya Radiyosidin anglash >>

http://www.rfa.org/uyghur/xewerler/tepsili_xewer/engilye-uyghur-07262010192853.html/u0726-erkin.mp3/inline.html?encoding=latin


Uyghurlar yawropa döletliridiki teshkilatlinish xizmitining qedimini tézlitip, yawropa döletliridiki teshkilatlarni kücheytishke tirishmaqta. Bu munasiwet bilen engliye uyghur jemiyiti 7 - Ayning 17 - ,18 - Künliri londonda yighin chaqirip, yéngidin ijraiye komitéti ezalirini saylap chiqti. Yighingha d u q muawin reisi esqer jan bilen bash katipi dolqun eysa qatnashti. Yighinning 1 - Küni engliye uyghur jemiyitining xizmet doklati oqup ötülgendin bashqa, teshkilatning qolgha keltürgen netijiliri we saqlanghan mesililer heqqide muzakire élip bérildi.



RFA Photo

Sürette engliye uyghur jemiyiti yéngi ijraiye komitéti ezaliri birge


Yighinning 2 - Küni, yighingha qatnashqan wekiller uyghur mesilisini qandaq qilghanda engliye hökümitining kün tertipige élip kéleleydighanliqi heqqide muzakire élip bardi. Kéyin d u q rehberlirining nazariti astida saylam élip bérildi. Saylamda 7 kishilik ijraiye heyiti saylap chiqildi. Nizamidin semet ependi engliye uyghur jemiyitining reislikige, dilshat ependi muawin reislikige, qurbanjan ependi bash katipliqqa, idris ependi maliye mesulliqigha hemde yene 3 neper kishi ijraiye heyiti ezaliqigha saylandi.

Biz bu yighin heqqide tepsiliy melumat élish üchün engliye uyghur jemiyiti bashliqi nizamidin semet, bash katip qurbanjan we ijraiye heyiti ezasi rehime xanimlar bilen téléfon söhbiti élip barduq.

Yuqiridiki ulinishtin bu progirammining tepsilatini anglighaysiler



Xewer menbesi:

http://www.rfa.org/uyghur/xewerler/tepsili_xewer/engilye-uyghur-07262010192853.html?encoding=latin